Retkoceri: Shqetësuese kush e përfaqëson votën e prishtinasve nga LVV-ja

Shefi i Grupit të Asamblistëve të Partisë Demokratikë të Kosovës (PDK) në Komunë të Prishtinës, Leutrim Retkoceri, ka reaguar pas arrestimit në Tiranë, të asamblistit të LVV-së, Besnik Mujecit, nën dyshimin e veprës “posedim i mbi 10 mijë dozave të drogës (ekstazi)”.

Retkoceri përmes një postimi në rrjetin social në Facebook ka shkruar se është shqetësuese kush e përfaqëson votën e prishtinasve nga radhët e VV-së.

“Me 10 mijë doza drogë qenka kapur në Shqipëri, Besnik Mujeci, asamblist i Lëvizjes Vetëvendosje në Komunën e Prishtinës, në vlerë prej 400 mijë euro.

Është jashtëzakonisht shqetësuese kush e përfaqëson votën e prishtinasve nga radhët e VV-së”, ka shkruar Retkoceri.

Lexo po ashtu Asamblisti i LVV-së në mesin e të arrestuarve në Shqipëri, dyshohet se u kapën me mbi 10 mijë doza ekstazi

Po ashtu ai tha se : “Dejona Mihali besoj ka për të thënë diçka edhe për këtë. E presim edhe një supërparaqitje të Xhelal Sveçlës.

Në Kosovë, besnikët e Vetëvendosjes nuk zihen kurrë, sepse pushteti i mbron. Ata tregtojnë lirshëm dhe rriten e bëhen dilerë të mëdhenj, si ky asamblist, saqë i kalojnë edhe kufijtë.

Besoj, Besniku sot i ka bërë krenarë të gjithë Lëvizjen e tij, por jo edhe ata qytetarë të cilët, fatkeqësisht, ia kanë besuar votën”.

Ndryshe, Policia e Shtetit në Tiranë ka arrestuar sot pesë persona për trafikim me lëndë narkotike, ndërkaq në mesin e të arrestuarve dyshohet të jetë edhe Besnik Mujeci, asamblist i lëvizjes Vetëvendosje.

Policia e Shtetit në njoftimin e bërë për media thekson se ata janë kapur me 11 300 tabletash ekstazi MDMA, vlera e të cilës arrin 400 mijë euro. /Telegrafi/