Rëndësia e përzgjedhjes adekuate të çantave për fëmijët: Cilat janë elementet që duhet t’i posedojë një çantë (Video)

Njëri prej shqetësimeve kryesore të prindërve çdo fillim vit shkollor është zgjidhja e çantës adekuate për fëmijët e tyre.

Ortopedi Qerim Shehu ka theksuar se shpesh herë ndodhë që përzgjedhja e çantës për fëmijët të mos jetë adekuate. Ai ka thënë se janë disa elemente që e bëjnë një çantë të përshtatshme.

“Njëra nga ato është përmasa. Ajo nuk duhet të jetë asnjëherë. Duhet të respektohet që përmasat të jenë nga supi deri te beli. Pjesë tjetër është pesha. Pesha e çantës duhet të jetë nga 10 deri ne 15 për qind e peshës së trupi të fëmijës”, ka theksuar Shehu.

Sipas tij, kujdes duhet t’i kushtohet edhe materialit të çantave.

“Pikë tjetër është edhe ajrosja. Çantat moderne kanë edhe ajrosje. Me pas element tjetër janë rripat mbajtës, që duhet të kenë gjerësinë adekuate pikën mbështetëse në supe si dhe të jenë të materialit ndriçues, për shkak se disa nxënës orarin e mësimit mund ta kenë më vonë”, ka shtuar Shehu. /Telegrafi/