Regjisorja e “House of The Dragon” trajton teorinë e fansave për vezët që u shfaqën në episodin e fundit dhe lidhjen e tyre me “Game of Thrones”

Rhaena Targaryen (Phoebe Campbell) iu dha një detyrë shumë e rëndësishme në episodin e fundit të “House of the Dragon”.

Fansat e “House of the Dragon” po vërshojnë në rrjete sociale, pasi regjisori trajtoi një teori rreth një veze të Pashkëve të “Game of Thrones”.

Regjisorja e sezonit të dytë, Geeta Vasant Patel ka folur pasi fansat bënë një lidhje emocionuese të episodi i tretë të “House of The Dragon” me “Game of Thrones”.

Episodi i tretë i sezonit të dytë, shkruar nga David Hancock dhe drejtuar nga Patel shfaq Rhaenyra Targaryen (Emma D’Arcy) duke dërguar djemtë e saj Aegon dhe Viserys në Vale.

Ajo i kërkon Rhaena Targaryen (Phoebe Campbell) t’i shoqërojë dhe të sigurojë jo vetëm sigurinë e tyre, por mbrojtjen e dragonjve të rinj Tyraxes dhe Stormcloud, së bashku me katër vezë dragoi.

Sapo shikuesit e “House of The Dragon” panë vezët, shumë u mblodhën menjëherë në rrjetet sociale për të pyetur nëse vezët janë vezë të vërteta të Pashkëve për “Game of Thrones” dhe janë, në fakt, vezët që më vonë vijnë në posedim të Daenerys Targaryen (Emilia Clarke).

Dhe Patel që atëherë ka adresuar spekulimet e fansave.

Patel tha për “Mashable”: “Këto janë vezët e Daenerys. Të gjithë ne që punojmë në këtë shfaqje jemi fansa të mëdhenj të “Game of Thrones” , kështu që ishte shumë emocionuese për të xhiruar atë skenë.”

Pra, është konfirmuar se vezët janë ato që më vonë çelin në dragonjtë e Daenerys: Drogon, Rhaegal dhe Viserion.

Dhe nuk ka kaluar shumë kohë që fansat e serialit të vërshojnë të kënaqur në rrjetet sociale.

Një përdorues i Twitter tha: “Duhet të them sa më shumë të mendoj për këtë aq më shumë më pëlqen. Rhaenyra tha nëse gjithçka shkon keq, ato vezë do të vazhdonin trashëgiminë e shtëpisë së tyre. Dhe kjo është pikërisht ajo që janë Daenerys dhe dragonjtë e saj, e ardhmja dhe trashëgimia e shtëpisë Targaryen.”

“Sapo i pashë, e dija tashmë”, shtoi një tjetër.

Një i tretë komentoi: “Hija e saj është në të gjithë HOTD dhe po më pëlqen”.

“Kjo është në të vërtetë e mahnitshme”, tha një i katërt.

Një i pestë shkroi: “Fakti që Rhaena me të vërtetë përfundoi duke mbrojtur trashëgiminë e Targaryen, ajo kishte punën më të rëndësishme.”

Episodet e “House of the Dragon” transmetohen çdo të diel në HBO dhe Max. /Telegrafi/