Redmi shiti për një minutë 100 mijë kopje të telefonit celular K40 Gaming

Marka Redmi e Xiaomi zbuloi smartphonen e saj të ri K40 Gaming për lojtarët dhe kërkesa është me të vërtetë e lartë.

Dhe vetëm një minutë pas fillimit të shitjeve, Redmi shiti 100 mijë kopje të telefonit celular K40 Gaming. Kjo shitje përfshin pajisje me të pesë kombinimet e kujtesës, nga më e lira me 5 GB RAM dhe 128 GB memorie të brendshme te më e shtrenjta me 12 GB RAM dhe 256 GB memorie të brendshme. Çmimi varion midis 310 dhe 420 dollarë në varësi të modelit.

Pajisja mundësohet nga një procesor Dimensity 1200 dhe vjen me një ekran OLED 6,67 inç me një rezolucion prej 2,400×1,080 pikselë, një shpejtësi rifreskimi prej 120Hz dhe një format 20: 9. Ekrani mbrohet nga xhami Gorilla Glass 5.

Në pjesën e pasme ka një kamerë të gjerë prej 64, ultra të gjerë prej 8 dhe një kamerë makro prej 2 MP, dhe ekziston edhe një blic Dual-LED. Një kamerë selfie 16 MP është e vendosur në pjesën e përparme. Smartphone gjithashtu mori altoparlantë stereo të zhvilluar në bashkëpunim me JBL, si dhe butona pop-up të dobishëm për lojtarët dhe zgjidhje të ndryshme për ftohje më të mirë.

Sensori i gjurmës së gishtit është i vendosur në anë dhe nuk ka fole kufjesh. Pajisja ushqehet nga një bateri 5.065 mAh që mbështet karikimin e shpejtë 67W dhe e cila karikohet plotësisht për 42 minuta. /Telegrafi/