Red Bull do ta blejë një klub tjetër pak orë pasi konfirmuan Jurgen Kloppin

Red Bull është duke u lidhur shumë me një tjetër marrëveshje blerjeje, vetëm disa orë pasi Jurgen Klopp nënshkroi një kontratë afatgjatë me kompaninë për t’u bërë drejtori i tyre i ri i për futbollin botëror.

Doli të mërkurën se ish-trajneri i Liverpoolit do të mbikëqyrë rrjetin ndërkombëtar të klubeve të futbollit të Red Bull, duke përfshirë RB Salzburg dhe RB Leipzig, kur të fillojë detyrën e tij më 1 janar 2025.

Përveç sigurimit të ‘vizionit strategjik’ për klubet e lidhura me Red Bull, 57-vjeçari do të mbështesë operacionin global të skautizmit të organizatës dhe do të kontribuojë në trajnimin dhe zhvillimin e trajnerëve.

“Pas gati 25 vitesh në fushë, nuk mund të isha më i emocionuar për t’u përfshirë në një projekt si ky”, deklaroi Klopp. “Roli mund të ketë ndryshuar, por pasioni im për futbollin dhe njerëzit që e bëjnë lojën atë që është nuk ka ndryshuar”.

Gjermani shprehu gjithashtu dëshirën e tij për të zhvilluar, përmirësuar dhe mbështetur talentin “të jashtëzakonshëm” të futbollit që Red Bull kanë në dispozicion, ku mund të përfshihen lojtarë nga skuadra e Ligue 2, Paris FC.

Red Bull, së bashku me kompaninë franceze të mallrave luksoze LVMH, duan të ‘tundin peizazhin e futbollit francez’ me blerjen e liderëve të Ligue 2, Paris FC, sipas L’Equipe.

Pierre Ferracci, i cili aktualisht është aksionari kryesor i Paris FC, do të mbajë 30 për qind të aksioneve të tij deri në vitin 2027, kur thuhet se pritet të largohet nga Stade Charlety.

Red Bull, ndërkohë, pritet të marrë 15 për qind të aksioneve në klub, ndërsa pronarët e LVMH, familja Arnault do të bëhen aksioneri i ri i shumicës, duke blerë rreth 55 deri në 56 për qind të aksioneve.

Thuhet se qëllimi afatshkurtër do të jetë promovimi në Ligue 1, por afatgjatë, ata duan të vendosen si ekip të rregullt të Ligës së Kampionëve. /Telegrafi/