Realme shpërndan një mostër të fotografisë të bërë me kamerën e Realme 10 përpara lansimit të këtij telefoni

Në një intervistë për GSM Arena, Madhav Sheth zëvendës president i Realme bëri të ditur se telefoni i mençur Realme 10 i cili do të lansohet me 9 nëntor do të ketë një kamerë kryesore prej 50 MP.

Ndërsa dje, Realme shpërndau një foto të bërë me atë kamerë 50 MP, të quajtur “50MP Color AI Camera” nga kompania. Mund të kontrolloni mostrën e kamerës më poshtë.

Realme nuk zbuloi asgjë në lidhje me veçoritë e kamerës 50 MP, por Sheth më parë na konfirmoi se Realme 10 do të ketë një kamerë selfie me 16MP, përcjell Telegrafi.

Për më tepër, Sheth na tha se telefoni inteligjent do të paketojë një bateri me kapacitet 5,000mAh me mbështetje për karikim 33W.

Specifikat e tjera të Realme 10 të konfirmuara më parë nga Realme përmes postimeve të shumta në Twitter përfshijnë çipin Helio G99 SoC, 8 GB RAM (+8 GB virtual), ekran Super AMOLED 90 Hz dhe një lexues të gjurmëve të gishtave të montuar në anë. Telefoni i mençur ka trashësi prej 7.95 mm dhe peshon 178 g.

Renderët e rrjedhur të Realme 10 zbuluan se telefoni inteligjent do të ketë të paktën tre opsione ngjyrash, dhe Realme ka konfirmuar dy prej tyre – Clash White dhe Rush Black. /Telegrafi/