Real Madridi po mendon të ofrojë një shumë qesharake për transferimin e përhershëm të Kepas

Kepa Arrizabalaga është huazuar te Real Madridi në ditën e fundit të afatit kalimtar veror.

Portieri spanjoll iu bashkua skuadrës madrilene me urgjencë pas lëndimit të rëndë të portierit të parë Thibaut Courtois.

Kepa është bërë një titullar i rregullt te Los Blancos dhe të gjithë janë të kënaqur me paraqitjet e spanjollit në Santiago Bernabeu.

Lexo po ashtu Dy lojtarë nuk duan të largohen nga Real Madridi në verën e ardhshme

Marrëveshja mes dy klubeve është një huazim i thjeshtë i Kepas te Los Blancos, por kryeqytetasit spanjoll nuk kanë të drejtë ose obligimin e blerjes përfundimtare.

Megjithatë madrilenët duan transferimin e përhershëm të Kepas dhe sipas asaj që ka njoftuar Defensa Central gjiganti spanjoll pritet të ofrojë një shumë qesharake prej 10 milionë euro për blerjen përfundimtare të tij.

Lexo po ashtu Mesazhi i Kepas nga konferenca e tij e parë si lojtar i Real Madridit, nuk do t'i pëlqej aspak Chelseat

Kjo shumë po konsiderohet qesharake për faktin se Kepa vazhdon të jetë portieri më i shtrenjtë në histori me Chelsean që pesë vite më parë kishte paguar 80 milionë euro.

Duket shumë e vështirë që Chelsea ta pranoj një ofertë të tillë, pasi londinezët pretendojnë të fitojnë shumë më shumë nga shitja e përhershme e Kepas. /Telegrafi/