Real Madridi ka arritur të shënojë fitore në gjysmëfinale të Superkupës së Spanjës ndaj Valencias me rezultat 3-1.
Sistemi me katër ekipe në Superkupën e Spanjës është duke u përdorur për herë të parë, ndërsa po zhvillohet në Arabinë Saudite.
Ndeshja u zhbllokua shpejt, që në minutën e 15-të, kur Toni Kroos arriti të shënojë një gol të jashtëzakonshëm nga goditja e këndit.
Toni Kroos (Foto: Francois Nel/Getty Images)
Mesfushori gjerman e zuri në befasi portierin dhe mbrojtjen e Valencias me një goditje të shpejtë dhe direkt nga këndi.
Nuk vonoi shumë dhe Real Madridi e shënoi edhe golin e dytë.
Ishte Isco që pranoi një top të kthyer dhe me një goditje të bukur e dërgoi skuadrën e tij në pushim me rezultat 2-0.
Isco te Real Madrid (Foto: Francois Nel/Getty Images)
Forma e mirë e mbretërve vazhdoi edhe në pjesën e dytë.
Zhvillohej minuta e 65-të e takimit, kur Luka Modric shënon një gol shumë të bukur me një goditje të saktë (3-0).
Luka Modric (Foto: Francois Nel/Getty Images)
Krejt çka mundi të bëjë Valenica ishte një gol në kohën shtesë i shënuar nga Dani Parejo nga pika e bardhë (3-1).
Real Madridi ka kaluar në finale të Superkupës së Spanjës, ku e pet fituesin e ndeshjes së dytë që zhvillohet të enjten mes Barcelonës dhe Atletico Madridit. /Telegrafi/
https://twitter.com/HDGoalsLive/status/1214995679577333761
