Real Madridi e ka gjetur zëvendësuesin e Benzemas ndërsa punojnë në marrëveshjen sensacionale

Real Madridi raportohet se e ka gjetur zëvendësuesin e Karim Benzemas dhe do ta prezantojnë jo më larg se në këtë muaj.

Los Blancos thuhet se do të rezervojë fanellën e tyre me numër 9 për Harry Kane, pasi ata përgatitin një ofertë prej 100 milionë euro për sulmuesin e Tottenham.

Klubi spanjoll konfirmoi se Karim Benzema do të largohej nga klubi këtë verë, me francezin që supozohet për një lëvizje në Arabinë Saudite.

Lexo po ashtu Pesë yjet që mund të zëvendësojnë Karim Benzeman te Real Madridi

Nga ana tjetër, shtypi spanjoll nuk ka humbur kohë duke e lidhur Kane me një lëvizje në Bernabeu, pasi Carlo Ancelotti kërkon një zëvendësues.

Interesimi i Realit për Kane do të jetë një goditje për Manchester United, i cili e kishte identifikuar kapitenin e Anglisë si objektivin e tyre prioritar të transferimit, me Erik ten Hag në treg për një golashënues elitar këtë verë.

Ndërsa fokusi ka qenë në largimin e Benzemas, gazeta spanjolle Marca pretendon se Reali kanë Kane si zgjedhjen e tyre kryesore për ta zëvendësuar atë, me fanellën me numër 9 tani e lirë.

Lexo po ashtu Sa do të fitojë Benzema te Al Ittihad në sekondë, minutë, javë, muaj dhe vit - shifra astronomike

Në të vërtetë, Kane në fakt mban numrin 10 në Tottenham, por ish-mesfushori i Spurs, Luka Modric aktualisht e zë këtë numër për Realin.

Raportimi shton se emri i Kane ishte diskutuar nga drejtuesit e Realit teksa ata zhvilluan takime në kompleksin e tyre stërvitor ditët e fundit.

Ndërkohë, Ancelotti mendon se ata mund të marrin tre ose katër sezone ‘performancash të klasit të lartë’ nga 29-vjeçari. /Telegrafi/