Real Madridi është optimist se kartoni i kuq i Dean Huijsen në fitoren 2-1 ndaj Real Sociedad do të anulohet.
Sipas Marca-s, Los Blancos do të apelojnë vendimin dhe janë të bindur se mbrojtësi do të jetë i disponueshëm për ndeshjen e ardhshme në La Liga kundër Espanyol.
Klubi madrilen do të mbështetet në dy argumente kryesore: së pari, fakti që Eder Militao ishte shumë afër për ta zëvendësuar Huijsen në momentin e faullit, dhe së dyti, distanca e konsiderueshme nga porta, që e bën më pak të justifikueshme dhënien e kartonit të kuq direkt.
Edhe pse zakonisht ankesat e tilla nuk pranohen, optimizmi i Real Madridit është rritur pasi Komiteti i gjyqtarëve spanjollë ka pranuar se është bërë një gabim para përjashtimit të Huijsen.
Tani mbetet të shihet nëse apeli do të ketë sukses dhe nëse mbrojtësi i ri do të rikthehet menjëherë në dispozicion të Carlo Ancelottit. /Telegrafi/
