Real Madridi dhe Unitedi në garë për Schmeichelin

Kasper Schmeichel është kandidati më i ri për portën e Real Madridit dhe Manchester Unitedit për sezonin e ardhshëm, pas performancave të tij vendimtare në Ligën e Kampionëve me Leicester Cityn.

Presidenti i Realit, Florentino Perez është hedhur i gjithi për të gjetur një portier të ri për Real Madridin në sezonin e ardhshëm dhe emri i ri që ka hyrë me forcë këtë javë është Kasper Schmeichel.

Portieri danez i Leicesterit, ishte vendimtar në klasifikimin e ekipit anglez për çerekfinalet e Ligës së Kampionëve dhe kjo ka bindur klubin mbretëror.

Lexo po ashtu Schmeichel hero i Leicesterit, priti dy penalti në dy ndeshje të ndryshme kundër Sevillas (Video)

Pjesëmarrja e danezit ishte vendimtare ndaj Sevillas ku ndali në dy ndeshjet nga një penallti (një të goditur nga Correa në ndeshjet e parë dhe tjetrën nga N’Zonzi në ndeshjen e kthimit) që nëse ato do të transformoheshin në gola mund të kishte ndryshuar gjithë rrjedhën e lojës dhe kualifikimin.

I biri i ish-portierit të Manchester United, Peter Schmeichel, ka 30 vjet dhe tani ka edhe përvojë të gjerë në konkurrencën angleze, fitues i Ligës Premier në sezonin e kaluar me ‘Dhelprat’.

Përveç kësaj, Kasper ka shkruar edhe disa herë ‘Madridista’ në mesazhe të ndryshme të mbështetjes për të bardhët në rrjetet sociale.

Lexo po ashtu De Gea synon transferimin te Reali

Nënshkrimi i portierit mund të ketë një ‘luftë’ të dyfishtë, pasi Jose Mourinho, trajner i Man United, gjithashtu ka kohë që ka sytë nga ai.

Por, Mbretërit po mendojnë transferimin e portierit danez dhe tani t’ia ofrojnë atë “Djajve të Kuq” për të ulur koston e David de Geas, portierin shumë të pëlqyer spanjoll. /Telegrafi/