Reagojnë nga Kabineti i Konjufcës për produktet serbe në Kuvend: Është marrëveshje nga legjislaturat e kaluara

Shefi i Kabinetit të kryeparlamentarit Glauk Konjufca, Ilir Kërçeli ka reaguar pas kërkesës së deputetit të Aleancës për Ardhmërinë e Kosovës (AAK), Bekë Berisha lidhur me largimin e produkteve serbe që shërbehen në bufenë e Kuvendit.

Kërqeli thotë se kanë kërkuar që këto produkte të mos shërbehen më në Kuvendin e Kosovës, ku edhe ka publikuar e-mail e kërkesës.

Ndërkohë që tha se kjo marrëveshje është bërë në legjislaturat e kaluara.

Ai në fund ka shkruar se gjitha veprimet janë kohë më parë, para siç tha ai performancës së sotme të Bekë Berishës në Kuvend.

Lexo po ashtu Berisha i AAK-së i kërkon Konjufcës të largojë produktet serbe nga bufeja e Kuvendit të Kosovës

Postimi i plotë i Kërçelit

Rreth produkteve serbe në Kuvendin e Kosovës.

Kuvendi i Kosovës ka privatizuar shërbimet e bufesë, duke ia ofruar një operatori privat.

Ky operator privat, ka marrëveshje me Kuvendin tash e mbi 15 vite.

Këtë marrëveshje apo kontratë, kjo legjislaturë e re, e ka gjetur në Kuvendin e Kosovës (d.m.th këto shërbime ofrohen para ardhjes së kryeparlamentarit Konjufca)

4.Kabineti i Kryetarit, ka kërkuar që këto produkte mos të shërbehen më në Kuvendin e Kosovës (shih emailin)

5.Kuvendi i Kosovës si pasojë e shërbimeve jo profesionale, ka njoftuar operatorin se i shkëputet kontrata.

6.Të gjitha këto veprime janë bërë shumë kohë para performancës së sotshme të deputetit Bekë Berisha.

Kjo është e vërteta rreth produkteve serbe në Kuvendin e Kosovës.