RB Leipzig vendos ta shes Xavi Simonsin, i njofton klubet e interesuara për çmimin e holandezit

E ardhmja e Xavi Simons duket se është larg RB Leipzig, pasi klubi gjerman po mendon shitjen e tij.

Klubi gjerman po lufton për t’u futur në Ligën e Kampionëve sezonin e ardhshëm dhe nëse nuk ia arrinë një gjëje të tillë do ta shesin yllin e tyre më të madh.

RB Leipzig ka përcaktuar tarifën e transferimit për mesfushorin sulmues holandez Xavi Simons.

Lexo po ashtu RB Leipzig e blen përfundimisht Xavi Simonsin nga PSG

Pasi kaloi mbi një vit e gjysmë në huazim me Leipzig, 21-vjeçari iu bashkua zyrtarisht klubit në dimrin 2025 për 50 milionë euro nga Paris Saint-Germain.

Plani i Leipzig ishte gjithmonë ta shiste atë për një fitim dhe një transferim mund të ndodhte që në verë

Klubet e interesuara do të duhet të paguajnë 80 milionë euro dhe Leipzig tashmë ka premtuar se do ta lë Simons të largohet menjëherë nëse një ofertë e tillë arrin.

Simons këtë sezon ka shënuar 8 gola dhe ka 5 asistime në 25 ndeshje në të gjitha garat me fanellën bardhekuq.

Chelsea, Man Utd, Liverpool dhe Arsenal janë vetëm disa nga skuadrat e interesuara për yllin holandez. /Telegrafi/