Razer zgjidh problemin e qytetarëve në vendet me ajrin e ndotur, sjell maskën që 99% të grimcave i ndalë

Në eventin RazerCon 2021, Razer ka prezantuar produktet e reja e në mesin e tyre ishte edhe maska për fytyrë Zephyr, që së shpejti do të jetë në treg.

Maska përmban tre filtra, por nuk është testuar në COVID-19. Zephyr do të duhej të filtronte 99 të grimcave që gjenden në ajër dhe atë me ndihmën e filtrit Razer N95, transmeton Telegrafi.

Këta filtra janë më të qëndrueshëm për dallim nga maskat standarde njëpërdorimëshe, dhe mund t’i përdorni tri ditë para se të vendosni t’i ndërroni me të rejat.

https://twitter.com/Razer/status/1451413025529942020

Si në pjesën e jashtme ashtu dhe në atë të brendshme do të gjeni dritat RGB Razer, fuqia e të cilave mund të kontrollohet me ndihmën e aplikacionit të instaluar në telefonin e mençur.

Ajo çfarë më së shumti i intereson opinionit është çmimi i këtij artikulli. Zephyrin mund ta porositni me një çmim prej 99.99 dollarëve, e në këtë çmim përfshihen nëntë filtra që do të zgjasin rreth tri ditë.

E mundur është të bëhet porosia e filtrave shtesë që vijnë në një pako prej 10 copë me një çmim prej 29.99 dollarë. /Telegrafi/

https://www.youtube.com/watch?v=tP_rbaHPkes