Raste të reja të coronavirusit, pamje që tregojnë “grumbullimin” e njerëzve nga autoritetet kineze dhe futjen e tyre në karantinë

Kina po i “grumbullon” banorët e Pekinit duke i detyruar ata të futen në karantinë ndërsa kryeqyteti po i kthehet mbylljes mes një shpërthimi të coronavirusit ‘jashtëzakonisht të rëndë’, pretendon një aktivist.

Sipas mediave të huaja, përcjell Telegrafi, bëhet fjalë për disa pamje që tregojnë se si zyrtarët, përmes një megafoni bëjnë thirrje që njerëzit të rreshtohen në radhë dhe të futen në autobusë midis frikës se një valë e dytë e rasteve të virusit do të godiste vendin.

Aktivistja Jennifer Zeng, e cila postoi pamjet, pretendon se shtatë hotele janë kërkuar si zona karantine me njerëz të mbledhur në një operacion ditor, pas një shpërthimi të lidhur me tregun me shumicë Xinfadi.

Siç thuhet më tej, rastet e reja të ditës së sotme rritën numrin e infeksioneve të konfirmuara në Pekin gjatë pesë ditëve të fundit në 106, pasi autoritetet bllokuan pothuajse 30 bashkësi në qytet dhe testuan dhjetëra mijëra njerëz.

Ata që rrezikojnë të kenë kontakte me virusin u ndaluan gjithashtu të largohen nga qyteti, në masat që i bëjnë jehonë bllokimit drastik në Wuhan ku sëmundja u zbulua për herë të parë në fund të vitit të kaluar.

Kina tani përballet me një dilemë: se si të përballet me shpërthimet e reja, ndërsa ruan vrullin në rimëkëmbjen e saj ekonomike. /Telegrafi/