Rashica do të largohet në verë nga Werderi, këto janë 10 skuadrat që interesohen për yllin e Kosovës

Milot Rashica është duke i kaluar ditët e tij të fundit si anëtar i skuadrës gjermane Werder Bremen.

Sulmuesi nga Kosova ka zgjuar interesimin e shumë skuadrave të mëdha evropiane pas paraqitjeve fantastike me Werderin në dy vitet e fundit.

Klauzola e largimit të Rashicës nga Werderi është 38 milionë euro, por kjo vlen vetëm për skuadrat jashtë kufijve të Gjermanisë.

Ekipet që janë gati ta paguajnë këtë klauzolë duhet ta bëjnë para 15 qershorit, pasi pas kësaj date largohet ajo klauzolë.

Werderi po kalon nëpër një krizë të rezultateve dhe atë financiare dhe në rast se bie në Bundesliga II do të ishte një humbje e madhe.

Klubi bardhegjelbër në rast se do të bie nga elita do të bie edhe çmimi i Rashicës, pasi do të aktivizohej një klauzolë tjetër me vetëm 15 milionë euro.

Numri i skuadrave që duan shërbimet e yllit të Kosovës ka arritur në 10, ndërsa interesimi më i madh është na Anglia.

Liverpool i prinë garës për vushtrriasin, ndërsa edhe Aston Villa, Wolverhampton, Brighton, Crystal Palace dhe Southampton mbetën ekipet e interesuara për Rashicën.

23-vjeçari ndiqet nga Napoli në Serie A, derisa skuadrat gjermane që duan shërbimet e tij janë RB Leipzig që është favorit, Borussia Dortmund dhe Schalke 04.

Skuadra e re e Rashicës nuk dihet ende, por e sigurt deri më tani është vetëm largimi i kosovarit nga Werderi në fund të sezonit, derisa destinacioni më i mundshëm duket Anglia. /Telegrafi/