Ramadani në prag të sfidës me Ishujt Faroe: Nuk ka vend për eufori, bëjmë maksimumin

Mesfushori Ylber Ramadani ishte në konferencën për shtyp krah trajnerit Silvinjo në prag të ndeshjes me Ishujt Faroe.

Ai theksoi se nuk ka vend për eufori dhe do mundohen t’ua bëjnë të vështirë rivalëve dhe të marrin pikë.

A do e vuajmë fizikisht këtë ndeshje? – “Ne jemi të gjithë profesionistë dhe këto dy ndeshje kemi ardhur t’i luajmë duke dhënë 100 përqindëshin në fushë. Besoj se do shkojmë aty të bëjmë maksimumin dhe të marrim rezultat pozitiv në këtë ndeshje”.

Sukses me gola apo ju kënaq një fitore minimale? – “Normalisht nuk duhet të kalojmë në eufori. Duhet të hyjmë në ndeshje me qasje shumë të mirë, duhet të hyjmë aty të marrim rezultat pozitiv, duhet të hyjmë të bëjmë maksimumin të gjithë që të shkojmë në Shqipëri me fitore”.

🎙️Trajneri Silvinjo dhe mesfushori Ylber Ramadani dolën para mediave në prag të ndeshjes kualifikuese të Euro 2024 kundër 🇫🇴 Ishujve Faroe

ℹ️Konferenca e plotë, në 𝐟𝐬𝐡𝐟.𝐨𝐫𝐠 #futboll #fshf #kombetarja #europeanqualifiers https://t.co/rqd2zKxgS4

— FSHF (@FSHForg) June 19, 2023

Çfarë ka ndryshuar në ekip fitorja me Moldavinë? – “Normalisht çdo ndeshje kemi vetëbesim dhe duhet të bëjmë maksimumin. Kemi shumë energji pozitive brenda grupit, jemi shumë të kënaqur pasi trajneri ka futur energji shumë pozitive në ekip.

Ndeshja me Ishujt Faroe? – “Duhet të përshtatemi që në momentin e parë në fushë, deri në momentin e fundit. Do të jetë një ndeshje shumë e vështirë, shumë e fortë fizikisht. Nuk ka më ndeshje të lehta dhe jemi përgatitur të përballemi me një kundërshtar shumë të fortë”.

Hera e parë që përballeni me Ishujt Faroe, sa e njihni kundërshtarin? – “E njoh shumë mirë, pasi kam jetuar për katër vite në Danimarkë. Kam një shok që luan aty, nuk janë ekip i lehtë. Ata do mundohen të na e bëjnë jetën të vështirë. E njoh më mirë se sa e mendoni Ishujt Faroe”.