Rama: PD u pagua gjysmë milioni euro nga rusët për të rrëzuar qeverinë, e ka konfirmuar CIA

Kryeministri i Shqipërisë, Edi Rama ka hedhur sot sërish akuza ndaj Partisë Demokratike, ku është shprehur se janë financuar me gjysme milioni euro nga rusët për të rrëzuar qeverinë e PS-së.

Në një komunikim me gazetarët, Rama tha se akuzat janë të dokumentuara dhe të zbuluara nga media dhe konfirmuar nga CIA.

“Që Partia Demokratike është financuar me para ruse gjysmë milioni dollarë për të rrëzuar qeverinë e PS-së, kjo nuk është një akuzë. Ky është një fakt. Ky është një fakt i dokumentuar për fat të keq, një fakt i zbuluar nga media, nga SHBA, nga mediat ndërkombëtare, përqeshur nga shumëkush këtu, përfshirë edhe median ndërkombëtare dhe i konfirmuar nga raporti i shërbimit sekret amerikan CIA”.

“Akuzat me serbë janë prodhime të një tërbimi të madh. Tërbim non-gratash dhe spiunësh. Një tërbim non-gratash dhe spiunësh për investimin më të madh të huajnë rajon, Një investim që do të jetë krenari kombëtare. Një investim që do të transformojë Durrësin”, u shpreh Rama në konferencën për mediat për për investimet në bonot e thesarit. /Telegrafi/