Rakitic: Futbollistët e Barcelonës janë të fokusuar të fitojnë vetëm në fushë

Mesfushori i Barcelonës, Ivan Rakitic ngul këmbë se furia për eliminimin e mundshëm nga Copa del Rey nuk ka ndikuar në ekipin e tij.

Një raport në El Mundo Deportivo pohon se një nga lojtarët e Barcelonës në ndeshjen e parë ndaj Levantes – Juan Brandariz, i njohur si Chumi – ishte i dënuar pas kartonëve me ekipin B dhe nuk kishte drejt loje.

Kjo do të thotë që Barcelona mund të largohet nga gara e këtij viti, pavarësisht se ka eliminuar Levanten pas  një fitore 4-2, por kroati Rakitic ka thënë se ekipi nuk u ndikua nga kjo dhe dëshiron t’i fitojë gjitha ndeshjet në fushë.

Lexo po ashtu Barcelona kalon në çerekfinale, e mposht me lehtësi Levanten në shtëpi

“Kam një dëshirë të fortë për të fituar Copa de Rey, pasi e kam fituar çdo vit që kur jam në këtë klub”, ka thënë fillimisht Rakitic për gazetarët.

“Unë doja të ishim në çerekfinale dhe është e rëndësishme që ne jemi, sepse klubi ka shkuar në këtë mënyrë të drejtë dhe ne kemi luftuar për këtë në fushë”.

“Pezullimi i Chumit? E Kam parë vetëm disa orë para ndeshjes, kur u zgjova nga gjumi dhe të gjithë ne kemi pasur shumë mesazhe, por ishim shumë të fokusuar për t’i kushtuar shumë vëmendje ndeshjes”.

Lexo po ashtu Presidenti i Levantes, Quico Catalan: Do ta ankohemi në federatë, duam kualifikim në tavolinë ndaj Barcelonës

“Askush nuk foli për këtë, sepse nuk është diçka që mund të ndryshojmë, gjëja e rëndësishme për ne është që të luanim një lojë të mirë dhe të vazhdojmë”, përfundoi kroati.

Ndryshe, presidenti i Levantes ka deklaruar se do të ankohet për këtë rast dhe shpreson në eliminimin e Barcelonës. /Telegrafi/