Rakiq: Nuk do të vijë ROSU në veri, muri do të jetë i lartë 120 cm

Në mbledhjen urgjente të Kuvendit Komunal të Mitrovicës së Veriut, kryetari i Komunës, Goran Rakiq, ka thënë se nuk ka arsye për shqetësim pasi nuk do të ketë hapa të njëanshëm lidhur me murin ne veri, i cili sipas tij do të jetë 120 cm i lartë dhe do të shtyhet për dy metra në zonën e këmbësorëve.

Rakiq, duke folur para kuvendarëve ka thënë se nuk do të vijë në veri Njësia speciale ROSU për rrënimin e këtij muri”, raporton Telegrafi.

“Dua t’ju njoftoj se para disa ditësh kemi pasur një takim në Rashkë me Vuçiqin dhe me përfaqësues serb. E njoftuam kryeministrin se si qytetarët serbë gjenden një situatë të vështirë. Arseja e kësaj janë fjalët nxitëse nga politikanët e Prishtinës”, ka thënë Rakiq.

Ai po ashtu tha se kryeministri serb Aleksandar Vuçiq ka kërkuar nga ta që të rrinë të qetë.

“Komuna jonë ka qëndruar qetë dhe nuk ka rënë në provokim të fjalëve nxitëse që kanë ardh nga Prishtina”, theksoi tutje Rakiq.

Ai duke iu referuar marrëveshjen e arritur sot në orët e hershme të mëngjesit në Qeverinë e Kosovës për hapat që do të ndërmerren në lidhje me murin e ndërtuar në pjesën veriore të Mitrovicës, tha se “çdo gjë për të cilën janë marrë vesh e kanë vënë në letër, raporton Telegrafi.

“Çdo gjë e kemi vënë në letër në bashkëpunim me ministrin Shala. Ka nënshkrime në marrëveshje edhe të Isa Mustafës, Apostolvës, amabasadorit amerikan dhe zëvendësministrit Stojanoviq”, tha Rakiq.

Kuvendarëve iu është prezentuar maketa se si do të duket ura dhe “muri” në bazë të projektit, sipas të cilit muri do të jetë i lartë 120 cm.

“Ky  mur do të shtyhet në zonën e këmbësorëve për dy metra me qëllimin të që të pengohen automjetet, me  përjashtim të autoambulancave, zjarrfikësve dhe makinave të policisë”, tha Rakiq.

Rakiq tha se marrëveshja është kjo “brenda ditës, nëse arrij t’i kryejmë punët formale në Kuvend, do ta rrethojmë këtë zonë. Ky mur (quajeni si të doni)  do të largohet nga pozita momentale në të cilën është dhe do të tërhiqet dy metra brenda zonës së këmbësorëve”.

Ai tha se nëse nesër fillojmë punën rreth kësaj zone “menjëherë do të fillojmë me projektin e ri me të cilën jemi marr vesh”.

Ai u bëri thirrje qytetarëve se nuk ka nevojë për panik dhe frikë ngase nuk do të ketë hapa të njëanshëm.

Asamblisti nga radhët e PDK-së,  Emir Azemi, tha se duke marr parasysh se kjo pikë e rendit të ditës është shumë me rëndësi, faktori  ndërkombëtar, Prishtina dhe BE kanë dhënë çdo gjë që të ruhet paqja.

“Jemi njoftuar me shume vonesë sa i përket pikave të rendit të ditës. Përfaqësuesit shqiptarë kanë qenë të qetë dhe nuk kanë dhënë asnjë deklaratë nxitëse por kane prit marrëveshjen. Qytetarët e Mitrovicës të të gjitha nacionaliteteve nuk e kanë merituar këtë tension politik dhe mediatik”, ka thënë Azemi.

Ai gjithashtu tha se duke e marr parasysh prezantimin e kësaj shëtitore nga Rakiq do ta diskutojmë këtë çështje për të marr një vendim.

“Kryetari nuk ka nevojë të shqetësohet për fjalimin e tij”, tha Azemi.

Seanca po mbahet në ambientet e Zyrës Administrative në Komunën e Mitrovicës së Veriut. /Telegrafi/