Quanta padit AMD-në

Kompania Quanta Computer ka ngritur padi kundër AMD-së pranë gjykatës federale në San Jose të Kalifornisë. Quanta është OEM prodhuesi më i madh botërorë i kompjuterëve portativ, ndërsa AMD-në e ka paditur për shkak se ia ka shitur komponentët në gjendje jo të rregullt.

Sipas fjalëve të Quanta-s, AMD shiste procesorët grafik të cilët nuk përputheshin me tolerancën e deklaruar termike.

Këta çipa Quanta ka integruar në portativët të cilët prodhonte për kompaninë NEC, e mundësitë më të dobëta termale të GPU-ve shpesh shkaktonin prishje të kompjuterëve. Quanta pohon se për shkak të kësaj ka pasur humbje të mëdha në të hyra dhe profit, të cilat tani synon ti kompensoj nga AMD me rrugë ligjore. Në padi ceket edhe mosrespektimi i marrëveshjes, mosrespektimi i garancive dhe kushteve si dhe mashtrimi.

Zëdhënësi i AMD-së Michael Sulverman tha se padia është e pabazë dhe se asnjë klient tjetër përveç Quanta-s nuk ka lajmëruar për problemet me GPU-të e shitur në periudhën e njëjtë kohore. Sipas fjalëve të tija, madje edhe vet Quanta ka pranuar se me modelet e njëjtë të GPU-ve nuk ka pasur probleme në linjat tjera të produkteve për kompjuterët e NEC. /Telegrafi/