Qorrolli fajëson institucionet e pavarura për ngadalësimin e reformës në drejtësi

Vigan Qorrolli, zëvendësministër i drejtësisë, ka thënë se institucionet e pavarura po e ngadalësojnë dhe pengojnë reformën në drejtësi.

Qorrolli thotë se drejtësia e Qeverisë së Kosovës po bëhet.

“Drejtësia e Kurtit, Qeverisë së Kosovës dhe Ministrisë së Drejtësisë po bëhet. Por në mënyrë që të bëhet, ajo duhet të shihet se po bëhet dhe çdo ditë e më tepër duke qenë se institucionet e tjera të pavarura po e vonojnë, po e pengojnë, ngadalësojnë në mënyrë aritmetike reformën në drejtësi… Atëherë ju e dini zig-zagun ndërmjet Qeverisë dhe institucioneve të pavarura.Kam parasysh këtu Gjykatën Kushtetuese, e cila tash e 15 muaj nuk po e jep vendimin sa i përket Byrosë…”

“Këshilli Prokurorial i Kosovës (KPK) në Komisionin për Legjislacion ndodhet ka kaluar në seancë plenare, po bëhet vendosja e të gjeturave të Komisionit të Venecias opinionit të dytë… Opinionit i intereson sa do të jetë përbërja e Këshillit Prokurorial, i cili aktualisht ka 13 anëtarë, kemi synuar që ta bëjmë 19, nuk ka kaluar tani do ta bëjmë 7. Kjo do të hyjë në fuqi vetëm prej fillimit të vitit 2026, ku KPK do t’i ketë 7 anëtarë”, tha ai, në “Debat Plus” në RTV Dukagjini.

Qorrolli ka përmendur edhe për sukseset e që për një ndër to, sipas tij, është çështja e Vettingut.

Synimi parësor, sipas Qorrollit, është që drejtësia duhet të shihet se po bëhet. /Dukagjini/