Qindra skiatorë të padurueshëm në Japoni ngjiten në shpat për shkak të radhëve të mëdha për teleferik

Skiatorët e lodhur në një resort popullor japonez, janë detyruar të ngjiten në shpatet e pjerrëta për shkak të gjatësisë së radhëve për teleferikun.

Të apasionuarit e sporteve dimërore u panë duke u ngjitur ngadalë në një shpat të pjerrët në vendpushimin e skive Rusutsu në Hokkaido, Japoni, përpara një radhe të madhe njerëzish që prisnin ashensorin.

Ata u panë duke përdorur një sërë teknikash për t’u ngjitur shpatit, transmeton Telegrafi.

Një person u pa duke përdorur skitë e tyre si shtylla të improvizuara të skive, duke i zhytur në borë të thellë për tu ngjitur lart.

Pamjet e veçanta të marra nga dikush në shpat treguan dhjetëra njerëz duke u ngjitur pa frymë në shpat, me shpresën e një adrenaline gjatë lëshimit poshtë malit.

Videot u shpërndanë ndërsa Japonia u godit nga një front i ftohtë, që pritet të zgjasë për disa ditë.

Japonia konsiderohet si një nga vendet më të mira në botë për ski, për shkak të vëllimit të lartë të borës që bie në vend çdo vit. /Telegrafi/