Qeveria e RMV-së: Provokuesit nuk do të lejohet të futen në vend

“Nuk do të mund hyjnë në RMV provokatorët dhe ata që mohojnë popullin maqedonas dhe dhunojnë ndjenjat e maqedonasve”.

Këtë e theksoi sot shefi i Qeverisë së RMV-së, Dimitar Kovaçevski, i cili shtoi se institucionet nuk do të lejojnë incidente në festën e nesërme të 151 vjetorit të lindjes së revolucionarit maqedonas Goce Dellçev.

Ai shtoi se në festën e nesërme nuk do të jetë i pranishëm delegacion zyrtar shtetëror nga Bullgaria.

Ndërkohë ministri i Punëve të Brendshme, Oliver Spasovski, u bëri thirrje qytetarëve që me rastin e festimit të 4 shkurtit, ditëlindjes së Goce Dellçev që të ruajnë qetësinë dhe siguron se nuk do të lejojnë tensionim të situatës.

“U bëj thirrje të gjithë qytetarëve për qetësi me rastin e festës së 4 shkurtit, ditëlindjes së të madhit tonë Goce Dellçev. Si Ministër i Punëve të Brendshme nuk do të lejoj poshtërimin e popullit maqedonas! Institucionet janë duke punuar dhe po mblidhen informacione që do të thotë se kjo pritshmëri e qytetarëve do të realizohet”, tha Spasovski./Telegrafi/