Beyonce u dha fansave një pamje ekskluzive nga prapaskenat e përgatitjes së performancës së saj në trailerin për filmin e ri të turneut botëror të yllit.
"Renaissance: A Film by Beyonce" do të dalë më 1 dhjetor dhe do të "theksojë udhëtimin e e turneut botëror të artistes", që nga fillimi i tij, në hapjen në Stokholm, Suedi, deri në finalen në Kansas City, Missouri.
Përshkrimi zyrtar shton:, "Bëhet fjalë për qëllimin e Beyonces, punën e palodhur, përfshirjen në çdo aspekt të prodhimit, mendjen e saj krijuese dhe qëllimin për të krijuar trashëgiminë e saj dhe për të zotëruar zanatin e saj".
Në një trailer për filmin, të publikuar të hënën, këngëtarja 42-vjeçare ndan rutinën e saj të përgatitjes dhe shihet duke ushtruar me fëmijën e saj më të madh Blue Ivy, 11 vjeç, ndërsa përkushtohet edhe pas binjakëve të saj Rumi dhe Sir.
Pavarësisht se po përgatitej për të performuar para mijëra njerëzve, ajo shihet duke buzëqeshur dhe duke festuar me një gotë para kamerës - edhe pse siç u përfol se ajo po bënte turneun e saj pa përfshirje të alkoolit, përmbajtja e fotografisë ka të ngjarë të ishte lëng.
Traileri fillon me një pamje të Beyonces duke mbërritur në një nga vendet e turneut të saj.
"Kur jam duke performuar, nuk jam gjë tjetër veçse e lirë", thotë Beyonce me zë të lartë, ndërsa shohim pamjet e saj duke u përgatitur për një performancë, duke ngrënë një sanduiç ndërsa skuadra e saj glam e bën gati për shfaqjen.
Ajo është parë me familjen e saj dhe është duke shkuar drejt një helikopteri në pritje, duke shtuar, "Qëllimi i këtij turneu ishte të krijonte një vend ku të gjithë të jenë të lirë dhe askush të mos gjykohet".
"Fillo nga e para, fillo freskët. Krijo të renë, kjo është ajo që ka të bëjë Renaissance", thotë Beyonce, ndërsa shfaqen më shumë pamje të ekipit të saj në veprim.
Ata tregojnë një sërë reagimesh të ndryshme nga fansat e çdo prejardhjeje teksa ajo del në skenë për herë të parë.
Beyonce shton: "Në çdo moment, ata mund të mbyllin sytë dhe të kthehen menjëherë atje dhe ta marrin me vete".
Ato tregojnë një sërë veshjesh të përpunuara që ajo ka veshur gjatë turneut botëror, së bashku me një foto të bashkëshortit të saj të lumtur Jay-Z duke parë gruan e tij duke performuar.
Beyonce pyetet: "Çfarë mendoni për këtë turne?" Ajo përgjigjet: "Ndihem e çliruar. Unë jam shndërruar në një kafshë të re".
Besohet se ekipet përdorën shfaqjet e yllit në qytetin e saj të lindjes, Huston, për të xhiruar pamjet.
Artistja e "My Power" nuk e ka njoftuar zyrtarisht publikimin e filmit, por konsensusi është se ajo do ta konfirmojë atë për fansat në koncertin e saj të fundit në Kansas City të dielën.
Sipas Billboard, Turneu Botëror i saj ka fituar 461.3 milionë dollarë deri më sot.
Është 'turneja me fitimin më të madh nga një grua në arkivat e Boxscore' sipas medias.
Turneu u prit me "lavdërim të jashtëzakonshëm" dhe "krijoi një vend të shenjtë për lirinë dhe gëzimin e përbashkët, për më shumë se 2.7 milionë fansa".
Filmi do të mbërrijë në kinema më 1 dhjetor, një ditë pas festës së Falenderimeve, duke u përballur me "The Bikeriders" të Disney. /Telegrafi/
