Publikohet lista e re e pasaportave më të fuqishme, Maqedonia e Veriut në vendin e 43-të

Është publikuar raporti i ri për pasaportat më të fuqishme për vitin 2023 (The Henley Passport Index). Për herë të parë në pesë vjet, Japonia nuk është në vendin e parë.

Sipas të dhënave të reja, Singapori është në krye të listës. Qytetarët e saj mund të vizitojnë 192 nga 227 vende pa vizë. Në vendin e dytë janë Gjermania, Italia dhe Spanja.

Maqedonia është në vendin e 43-të, ndërsa për vendet e tjera të rajonit pozitat janë si më poshtë: Sllovenia në vendin e 9-të, Kroacia në vendin e 14-të, Serbia në vendin e 34-të, Mali i Zi në vendin e 44-të, Shqipëria në vendin e 48-të, Kosova në vendin e 94-të. Bosnja dhe Hercegovina në vendin e 47-të.

Në vendin e tretë janë Austria, Finlanda, Franca, Japonia, Luksemburgu, Koreja e Jugut dhe Suedia, kurse në vendin e katërt janë Danimarka, Irlanda, Holanda dhe Mbretëria e Bashkuar.

Indeksi i pasaportave Henley është një nga disa indekset e krijuara nga firmat financiare për të renditur pasaportat globale sipas qasjes që ato ofrojnë për qytetarët e tyre. Ai mbulon 227 destinacione udhëtimi. Ai përditësohet në kohë reale gjatë gjithë vitit, kur hyjnë në fuqi ndryshimet në politikën e vizave./Telegrafi/