Publikohen pamjet: A po luante Real Madridi me më shumë se një kundërshtar ndaj Espanyolit?

Real Madridi pësoi humbje 1-0 nga spanyoli në La Liga, mirëpo ata mund të jenë pjesërisht fajtor për këtë – së paku nga ajo që po paraqitet në rrjetet sociale.

Janë duke qarkulluar video se si gjyqtari Aljenadro Ruiz nuk dha karton të kuq dhe penallti për Los Blancos në më shumë se një rast.

Fillimisht, kjo ishte më shumë se një humbje për madrilenët, pasi kanë shqetësime për gjendjen e Antonio Rudiger që pësoi lëndim pas vetëm 13 minutash lojë.

Mbrojtësi gjerman kishte dhimbje në gjurin e tij të majtë, ndërsa ai u zëvendësua nga Raul Asencio.

Kthehemi te referimi i Ruiz, që ka lënë shumë për të dëshiruar për tifozët e Real Madridit, pasi pamjet që qarkullojnë në rrjetet sociale, sjellin disa momente që do të duhej të kishte së paku një karton të kuq.

Lexo po ashtu Bëri ndërhyrje horror në Mbappen, lojtari i Espanyolit tregoi se çfarë i tha francezit

Carlos Romero në minutën e 61-të bëri një ndërhyrje brutale në Kylian Mbappen nga mbrapa dhe shpëtoi vetëm me karton të verdhë.

Sulmuesi francez pati disa ndërhyrje brutale nga lojtarët e Espanyolit, po ashtu edhe Vinicius, me këtë të fundit që një rast kërkoi penallti për lojë me dorë nga një lojtar kundërshtar.

Kishte lojë me dorë nga lojtari i Espanyoit, kur topi po shkonte te Fran Garcia, mirëpo gjyqtari dhe VAR-i heshtën.

Duket se Real Madridi kishte të bënte me më shumë se një kundërshtar në fushë, pasi pamjet në rrjetet sociale shfaqin diçka të shëmtuar.

Është e pritshme se Real Madrid TV do ta kryqëzojë gjyqtarin Ruiz, pasi vendimet e tij ishin shumë kontroverse. /Telegrafi/