Është bërë tashmë e ditur se aktorja Olta Gixhari dhe këngëtari Luiz Ejlli, do të jenë pjesë e një projekti të ri kinematografik.
Dyshja kanë bashkuar forcat për të luajtur së bashku në një film të zhanrit komedi, i cili do të titullohet "Në kuadër të dashurisë".
Filmi shfaq një histori dashurie në kohët moderne që ndërlidh jetët e dy njerëzve dhe të familjeve të tyre.
Tashmë në rrjetet sociale kanë filluar të qarkullojnë disa fotografi të dyshes, ku shihen në prapaskenat e xhirimeve të këtij projekti.
Nga sa shihet, debatet mes dy artistëve nuk do të mungojnë edhe në skenarin e këtij filmi, i cili do të ketë sa lot gëzimi aq edhe pikëllimi.
Olta dhe Luizi përndryshe janë shquar si dy prej personazheve më hiper aktivë të edicionit të dytë të Big Brother VIP Albania.
Ata kanë pasur debate të vazhdueshme me njëri-tjetrin dhe qëndrimet të kundërta si në lojë, ashtu edhe në bisedat që zhvilloheshin brenda shtëpisë më të famshme në Shqipëri. /Telegrafi/
