Pse dështoi kalimi i Antonio Contes te Tottenhami?

Tottenhami i ka dhënë fund bisedimeve me Antonio Conte, që ishte kandidat kryesor për stolin e trajnerit.

Conte që e ktheu Interin te titulli i tyre i parë në Serie A pas 11 vjesh, ishte i preferuari për të zëvendësuar Jose Mourinhon.

Tottenham po ashtu ishin në kontakt edhe me ish-trajnerin e tyre Mauricio Pochettino që aktualisht drejton Paris Saint-Germainin.

Ide të ndryshme

Në letër, Conte ishte një lëvizje e mirë për Tottenhamin, pasi kishte transformuar plotësisht Interin, duke i udhëhequr ata fillimisht drejt finales së Ligës së Evropës, pastaj te titulli në Serie A, vetëm në dy sezone.

Sidoqoftë, kur erdhi puna te bisedimet, presidenti i Tottenham, Daniel Levy dhe trajneri Conte nuk kishin ide te njëjta.

Sipas mediave nga Italia, Conte ishte i dyshimtë në lidhje me kalimin në këtë klub, pasi mësoi buxhetin e transferimeve, duke e krahasuar me klubet e tjera në Ligën Premier.

Ish-trajneri i Chelsea gjithashtu preferoi të sjellë lojtarë me përvojë, ndërsa Levy preferon që trajneri i ri të punojnë me lojtarë të rinj premtues dhe t’i sjellin ata në ekipin e parë.

Tashmë është e kuptueshme që Antonio Conte nuk besonte se Tottenham ishin një skuadër gati të fitonin trofe.

E ardhmja e Harry Kane ishte gjithashtu një faktor, me yllin anglez që lë të kuptohet se mund të largohet nga klubi për të fituar trofe.

Kush mund të jetë trajner i ri i Tottenha,?

Klubi londinez nuk ka qenë i suksesshme deri më tani në kërkimin e tyre për një trajner të ri, por ka ende disa opsione në të gjithë Evropën.

Nuno Espirito Santo i larguar nga Wolves në fund të sezonit pas katër vitesh shumë të suksesshëm në këtë klub, duke zënë dy herë vendin e shtatë, e njeh mirë futbollin anglez dhe mund të jetë një trajner i duhur.

Në listë duket të jetë edhe Zinedine Zidane që sapo është ndarë nga Real Madridi.

Po Conte?

Mbetet të shihet se cila do të jetë lëvizja tjetër e Contes. Sidoqoftë, italiani do të kërkojë ambicie nga klubi i tij i ardhshëm dhe para për të fituar shpejt trofe.

Ai tashmë e ka konfirmuar me refuzimin e Tottenhamit, se nuk shkon në një klub, ku trofetë duken largë, në qoftë se i duhet të rrijë edhe pa punë. /Telegrafi/