Pse aeroplanët nuk fluturojnë mbi Antarktikë?

Ndonëse fluturimi mbi Antarktikë mund të shkurtojë disa rrugë fluturimi, kontinenti i ngrirë mbetet kryesisht jashtë kufijve për udhëtimet ajrore komerciale – dhe për arsye të mirë, siç shpjegoi një pilote kohët e fundit.

Marita, një ekspere spanjolle e aviacionit, përmes një postimi në TikTok zbuloi pse linjat ajrore hezitojnë të fluturojnë mbi Antarktikë, që shtrihet afërsisht 14.2 milionë kilometra katrorë. Kjo e bën atë kontinentin e pestë më të madh në Tokë, madje edhe më i madh se Evropa.

Pra, pse aeroplanët zakonisht nuk marrin një rrugë të shkurtë mbi këtë hapësirë të madhe të akullit? Për fat të mirë, Marita ndau ekspertizën e saj.

Në një video, ajo shpjegoi se pavarësisht përparimeve në teknologjinë e aviacionit, pothuajse nuk ka fluturime që fluturojnë mbi Antarktikë për shkak të trashësisë së ndryshme të atmosferës së Tokës.

“Shtresat e atmosferës nuk janë të njëjta në të gjithë planetin. Për shkak të rrotullimit të planetit, ato janë më të trasha në ekuator sesa në pole”, tha Marita.

Sipas pilotes, trashësia e atmosferës ka një ndikim të drejtpërdrejtë në shëndetin e njeriut, pasi na mbron nga rrezatimi diellor.

“Nëse aeroplanët fluturojnë nëpër troposferë, por ajo është shumë e hollë, ne do të marrim më shumë rrezatim”, shpjegoi Marita.

@petetheirishpilot IcelandAir Antarctic adventure! (Landing in Antarctica) A great capture by extremeaviationiceland on YouTube 📸 Commentary by Pete the Irish Pilot 🎙️ #fypage #fyp #aviation #aviationlovers #avgeek #aviationdaily #icelandair #antartica #landing #antarctica ♬ original sound – Pete the Irish Pilot

Më tej ajo pohoi se gjatë karrierës së tyre, një pilot aeroplani “merr më shumë rrezatim se dikush që punon në një termocentral bërthamor”.

“Duhet ta marrim parasysh këtë dhe të përpiqemi të mos i ekspozojmë pilotët ndaj rrezatimit”, shtoi ajo. /Telegrafi/