Protestuesit sulmojnë me domate veturën e kryeministrit australian

Kryeministri australian, Scott Morrison u gjuajt me domate dhe gjak të rremë gjersa vetura e tij u sulmua nga protestuesit gjatë një vizite në Universitetin e Queensland.

Morrison ishte duke vizituar qendrën e zhvillimit të vaksinave të universitetit, ku po punohet për një vaksinë COVID-19, kur u vu në shënjestër të protestuesve që lanë veturën e tij dhe një ndërtesë me lëng të kuq.

Ai u shoqërua me protesta pasi u bllokua në një ndërtesë të kampusit, ndërsa protestuesit – të cilët po demonstronin për të rritur ndërgjegjësimin për ndalimin e refugjatëve në Australi – hodhën ngjyrë të kuqe dhe domate, transmeton Telegrafi.

Protestuesit nga grupi i bashkësisë së solidaritetit të refugjatëve Meanjin thanë në një deklaratë se po protestonin për ndalimin e refugjatëve dhe azilkërkuesve në paraburgimin të imigracionit.

Australia është vënë në kritika për politikat e saj të imigracionit dhe trajtimin e refugjatëve dhe azilkërkuesve.

Ndryshe, kushtet në qendrat e paraburgimit në ishujt e largët të Manus në Papua Guinea e Re dhe në Nauru në Paqësor janë përshkruar nga Kombet e Bashkuara si “të ashpra” dhe “joadekuate”, ndërsa Amnesty International e quajti Nauru një “burg në ambient të hapur”. /Telegrafi/

while everything else is going on, refugee protesters in Brisbane poured red paint on Scott Morrison's C1 car and yelled at him on the way out of the building, before he was put into a police car #auspol https://t.co/dtyFBuqx5V pic.twitter.com/2tEc5B3hSa

— Josh Butler (@JoshButler) October 12, 2020

Prime Minister Scott Morrison at UQ this morning bundled away in the back of a police wagon pic.twitter.com/4M0Qw1IlCZ

— Drew Pavlou 🇦🇺🇺🇦🇹🇼 (@DrewPavlou) October 12, 2020