Pas paralajmërimeve të kryeministrit, Edi Rama dhe ministrit të Brendshëm, Fatmir Xhafaj se protestuesit për Rrugën e Kombit do të marrin dënimin e merituar, nuk ka vonuar aksioni policor në qytetin e Kukësit.
Mësohet se pas mesnate qindra forca policore të FNSH-së dhe RENEA-s kanë mësyrë në banesat e personave që kanë qenë pjesë e protestës, dhe kanë arrestuar disa prej tyre. Nga burime pranë komisariatit të Kukësit, mësohet se janë shoqëruar gjatë natës rreth 35 persona.
Familjarët e të arrestuarve janë mbledhur mëngjesin e sotëm para Komisariatit të Policisë së Kukësit, duke kërkuar sqarime për të afërmit e tyre, raporton Shekulli.
Ata thonë se nuk e dinë se ku i kanë dërguar familjarët e tyre pasi i kanë arrestuar. “Policia na erdhi nëpër banesa në orën 03:00 të mëngjesit. Nuk e dimë ku i kanë çuar personat e arrestuar”, thonë familjarët e tyre.
“Dje policia më qëlloi me gur, janë të filmuara pamjet. Kanë qenë policë civilë dhe me uniformë. Unë kërkova ndihmë dhe kam qëndruar i gjakosur për një orë” tha një protestues në një prononcim për mediat. Policia ende nuk ka dhënë një njoftim zyrtar sa i përket shoqërimit të këtyre personave. Ndërkohë që familjarë të arrestuarve janë mbledhur para policisë së Kukësit.
Drejt Kukësit është nisur një grup deputetësh nga Partia Demokratike, mes të cilëve Flamur Noka, Enkelejd Alibeaj, Strazimiri dhe Spaho. Ndërkohë që pritet të nisen edhe deputetë të Lëvizjes Socialiste për Integrim.
Në fjalën e mbajtur dje për mediat kreu i qeverisë fajësoi opozitën që sipas tij po e dirigjon dhunën, ndërsa nuk u kursye t’i cilësojë protestuesit si vandalë që do të marrin dënimin e merituar.
Ndërkohë, ministri i Brendshëm Fatmir Xhafaj foli për persona të inkriminuar në radhët e protestuesve. Mijëra banorë të Kukësit dhe zonave përreth u bashkuan dje rreth orës 11:00 në një protestë kundër tarifës në Rrugën e Kombit.
Në një deklaratë këshillit bashkiak pas protestës u bë me dije se protesta ishte paqësore deri në momentin që policia provokoi turmën duke i goditur me shkopinj gome.
Protestuesit u përplasën mandej me uniformat blu duke i vendosur flakën sportelit të koncesionarit, që ishte vendosur për pagesën e Rrugës së Kombit. Tubimi vijoi deri rreth orës 14:30, ku protestuesit u larguan nga vendngjarja dhe rruga u bë e kalueshme për automjetet që prej orësh qëndronin në radhë.
Lufta Prigozhin - Putin
Më shumëNga Rubrika
Ruajtja e shumicës shqiptare në Komunën e Bujanocit, tri parti lidhin koalicion paszgjedhor
Togerja e Policisë së Kosovës fiton çmim ndërkombëtar për shërbim në komunitet
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Togerja e Policisë së Kosovës fiton çmim ndërkombëtar për shërbim në komunitet
A po e kushtëzon Sllovenia Kosovën me Asociacion për t'u bërë pjesë e Këshillit të Evropës - flet presidentja Pirc Musar
Konkursi për gradimin e policëve, dyshohet për favorizime të familjarëve të eprorëve
Italiania e dashuruar me Sarandën: Sa erdha thashë do të jetoj këtu, tani kam biznes
Meta: Ambasadorin italian do ta kisha shpallur “non grata” në Shqipëri
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Grushte të fuqishme dhe hedhje në tokë, turko-gjermani Cinkara e fiton luftën ndaj boksierit kosovar Armend Xhoxhaj
Xhensila Myrtezaj rrëzohet në skenë, në nisje të performancës: Uroj të mos e keni kapur këtë
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Ish-legjenda e Liverpoolit tregon ‘arsyen e vetme’ që çoi tek përplasja e Salahut me Kloppin
NASA dhe Nokia po dërgojnë rrjetin 4G në hapësirë - çfarë do të thotë kjo për njerëzimin?
Pamje të reja nga përplasja e Salahut me Kloppin tregojnë saktësisht se çfarë ka ndodhur