Prostata e zmadhuar mund të maskojë kancerin: Mjekët mund të gjejnë diçka tjetër
Kur shkoni për ndonjë operacion, duhet të bëni më parë analizat bazë dhe më pas mjekët mund të gjejnë diçka tjetër
Pak ditë më parë, bota u trondit kur Pallati Buckingham njoftoi se mbreti britanik Charles vuante nga kanceri.
Trashëgimtari i Mbretëreshës Elizabeth II po i nënshtrohej një operacioni rutinë për zmadhimin e prostatës dhe me atë rast ai u diagnostikua aksidentalisht me kancer, sipas njoftimit zyrtar.
“Kjo ndodh. Sa herë që shkoni për ndonjë ndërhyrje kirurgjikale, duhet të bëni paraprakisht analizat bazë, të cilat zakonisht përfshijnë analizën e gjakut dhe analizën e urinës, ndonjëherë edhe rëntgen të gjoksit. Më pas mjekët mund të gjejnë diçka tjetër”, shpjegon mjekja Tara Narula, konsulente mjekësore e portalit Today, përcjell Telegrafi.
Pasi u theksua se Mbreti nuk vuan nga kanceri i prostatës, shumë pyesnin se çfarë mund të kishin zbuluar rastësisht mjekët?
Dr. Justin R. Greg, specialist në urologji dhe onkologji, zbulon se një pacient me hiperplazi të prostatës, e cila ishte edhe diagnoza e Mbretit Charles, shpesh shkon për imazhe rutinë me një skaner ose rezonancë magnetike dhe duke imazhuar legenin ose barkun me përdorimin e këtyre metodave, për shembull, mund të zbulohen shenja të kancerit të fshikëzës dhe veshkave.
“Kanceri i fshikëzës urinare mund të zbulohet edhe me anë të një instrumenti që kalon përmes prostatës në fshikëz. Aty mund të shihen rritje që i ngjajnë lulelakrës ose kërpudhave, nëse ka kancer. Ndërsa kanceri i veshkave në fazat e hershme zakonisht nuk jep ndonjë simptomë të dukshme, ndërsa njerëzit me kancer të fshikëzës mund të kenë simptoma”, shpjegon eksperti.
Në raste të rralla, gjatë operacionit rutinë për zmadhimin e prostatës, mjekët mund të vërejnë edhe kancerin e zorrës së trashë, si dhe ekziston mundësia e zbulimit aksidental të limfomës, e cila shpesh zbulohet me imazherinë e kraharorit.
Është e rëndësishme të theksohet se asnjë nga format e përmendura të kancerit nuk lidhet ose shkaktohet nga prostata e zmadhuar.
“Kur zbulohet herët, shanset për të kuruar kancerin janë më të mëdha”, shton doktor Narula dhe kujton se kanceri i mbretit Charles u zbulua në fazën më të hershme.
Dr. Greg kujton edhe një herë rëndësinë e ekzaminimeve të rregullta parandaluese dhe depistuese, si dhe se duhet të shkoni te mjeku nëse keni probleme me fshikëzën tuaj. /Telegrafi/
Promo
Reklamo këtuLufta Prigozhin - Putin
Më shumëInvestoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe