Pronarët e Wrexham duan rikthimin e Gareth Bale nga pensionimi

Pronari i Wrexham, Ryan Reynolds i ka ofruar Gareth Bale që të kthehet nga pensioni dhe të luajë një sezon në nivelin e katërt të futbollit anglez.

Të shtunën e kaluar, uellsianët siguruan ngjitjen në një nivel më të lartë të garës, dhe se orekset e tyre janë shumë më të mëdha treguan me një ftesë publike që Bale t’i bashkohet sezonin e ardhshëm.

Partneri i biznesit të aktorit hollivudian dhe bashkëpronar i Wrexham, Rob McElhenney, shkroi në Twitter dhe sugjeroi që Bale të vinte në atdheun e tij dhe të ndihmonte klubin të arrijë nivele edhe më të larta.

You can see something leave both of our bodies at the same time. And then we’re filled back up with an indescribable amount of joy and gratitude. ❤️ pic.twitter.com/EbtrVR1biQ

— Rob McElhenney (@RMcElhenney) April 23, 2023

Bale nuk qëndroi indiferent ndaj thirrjes dhe iu përgjigj me stil nga fusha e golfit, duke uruar wrexham për suksesin.

Mbetet të shihet nëse Bale do të vijë vërtet në ligat e ulëta, pas karrierës në Tottenham, Real Madrid dhe Los Angeles FC.

Hey @GarethBale11 let’s play golf, where I totally won’t spend 4 hours trying to convince you to un-retire for one last magical season 🏴󠁧󠁢󠁷󠁬󠁳󠁿 🏴󠁧󠁢󠁷󠁬󠁳󠁿 🏴󠁧󠁢󠁷󠁬󠁳󠁿 🏴󠁧󠁢󠁷󠁬󠁳󠁿 ❤️ pic.twitter.com/FZgXZbM4zx

— Rob McElhenney (@RMcElhenney) April 25, 2023

Tifozët shpresojnë kështu, pasi në Wikipedia emri i Bale i është shtuar Wrexhamit si klubi i tij i ardhshëm.

Kujtojmë se në janar, Bale vendosi t’i japë fund karrierës së tij./Telegrafi/