Phil McDuff, gazetar i ditores britanike The Guardian, e ndërlidh sistemin global në të cilën jetojmë me perceptimin për presidentin amerikan Donald Trump si një përzgjedhje e rastësishme e një kandidati të papërshtatshëm për president. Sipas tij, për mijëra vjet ndodh të shpërblehen me privilegje burrat për sjellje të vrazhda, ndërsa Trumpi është mishërim i këtij lloji të njeriut. Shefat e këqij janë kudo dhe rrallë janë të çmendur. Ata janë rezultat i sistemit që vazhdimisht i zgjedh ata për shkak të cilësive të tyre të këqija. Telegrafi më poshtë ju sjell pjesë të shkrimit të tij.
Të gjithë kemi një apo 10 rrëfime për “shefin e tmerrshëm”. Rrëfimi im më i “mirë” ka ndodhur para disa vitesh në qytetin Erbil në Irak (para se të shfaqej ISIS-i), kur si ekip shumë i vogël me katër njerëz, punuam në xhirimin e një filmi të pavarur kurd. Regjisori ynë ishte kombinim unik i arrogancës dhe injorancës ekstreme. Na jepte udhëzime gjysmake dhe kishte kërkesa të pakuptimta, ndërsa e organizonte keq punën në ato kushte edhe ashtu shumë të vështira. E, nëse pyetej për diçka, ai reagonte dhe përgjigjej në mënyrë noshalante. Këto gjëra na hutonin dhe na çrregulluan tërësisht.
Meqë Trumpi po bëhet “zot dhe sundues” në krye të Shteteve të Bashkuara, çdo herë e më shumë duan ta quajnë të “çmendur”. Në të gjitha mediat mund të dëgjoni psikiatra lokalë që e cilësojnë si përjashtim të neveritshëm, të çmendur dhe të paekuilibruar deri në rrezikshmëri. Por, kjo nuk do të thotë shumë. Nuk e mohoj se fenomeni Trump është shumë më i keq se çdo gjë që ka goditur ndonjëherë në Shtetet e Bashkuara, por kjo nuk është diçka e panjohur. As çmenduri.
Ne të gjithë e njohim nga një “Trump”. Ne kemi punuar për të, e kemi shërbyer në restorant, jemi ballafaquar me të në qendër thirrjesh. Ai është shefi që ju thërret gjysmë në pesë në të premten, që nuk ua paguan punën jashtë orarit dhe që i merr të gjitha meritat e juaja. Ai është myshteriu që nuk ua jep bakshishin, sepse nuk keni buzëqeshur kur do ai. E, nëse mund ta shmang pagimin e projekteve të kontraktuara, këtë gjithmonë do ta bëjë, transmeton Telegrafi.
Profesori Allen Frances i cili e definoi çrregullimin narcisoid, ka thënë se edhe nëse Trumpi është tmerrësisht i tillë, ai nuk vuan nga simptomat e sëmundjes mendore, porse u shkakton vuajtje të tjerëve e për këtë shpërblehet me bollëk. Në të vërtetë, ajo që e dallon Trumpin nga personat e ngjashëm nuk është sjellja, por niveli me të cilin u ngrit për shkak të vetëlavdërimit, arrogancës dhe mungesës së dhembshurisë, si një karakter nga filmat e vizatuar.
Këto karakteristika, me vetëbesim të tepruar, me zë të çjerrët dhe shtrëngim të fortë duarsh, shpesh zëvendësohen me karakteristika të “udhëheqësit të vlefshëm e të aftë”, sidomos në aktivitete të menaxhimit dhe angazhimet sipërmarrëse. Ky lloj i personit përreth vetes mbledh njerëzit me karakteristikat e ngjashme duke forcuar më shumë kultin e tyre të vetëpromovimit, pa marrë parasysh se në punë arrijnë rezultate mesatare.
Ky është një sistem që zbatohet me mijëra vjet e që përfshin agresivitetin, lakminë seksuale dhe dominimin ndaj grave dhe mizogjinisë.
E, si atëherë mund të jesh “i çmendur” në formën që inkurajon dhe shpërblen? Pse mbetjet si Donald Trump, Nigel Farage (populisti britanik) dhe të tjerët do të silleshin ndryshe kur emërohen në poste dhe pafundësisht lartësohen në media?
Suksesi i tyre nuk është çmenduri e as rastësi, por rezultat i sistemit të lig të rrënjosur thellë në të kuptuarit tonë të botës, diçka që është shumë e vështirë për ta pranuar. /Telegrafi/
Lufta Prigozhin - Putin
Më shumëNga Rubrika
Britania e Madhe do të zhvillojë raketa lundruese hipersonike me shpejtësi pesë herë më të madhe se shpejtësia e zërit
Kishin vendosur radarë për të penguar funksionimin normal të dronëve ukrainas, pajisja ruse shkatërrohet pikërisht nga një fluturake pa pilot
Aviokompania amerikane vazhdimisht regjistron gabimisht 101-vjeçaren si fëmijë
Kishin vendosur radarë për të penguar funksionimin normal të dronëve ukrainas, pajisja ruse shkatërrohet pikërisht nga një fluturake pa pilot
Britania e Madhe do të zhvillojë raketa lundruese hipersonike me shpejtësi pesë herë më të madhe se shpejtësia e zërit
Një javë më parë rusët kryen një sulm me tanket e modifikuara në Donetsk, kësaj radhe ukrainasit përgatitën një pritë për ta
Inxhinierët ukrainas prodhojnë dronin që do të përdoret si nëndetëse për të sulmuar luftanijet ruse
Vriten dy ukrainas në një sulm me thikë në Gjermani, i dyshuari është shtetas rus
Pamje që tregojnë momentin kur ukrainasit 'fshijnë nga faqja e dheut' pjesë të sistemit rus që kushton 5 milionë dollarë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Grushte të fuqishme dhe hedhje në tokë, turko-gjermani Cinkara e fiton luftën ndaj boksierit kosovar Armend Xhoxhaj
Xhensila Myrtezaj rrëzohet në skenë, në nisje të performancës: Uroj të mos e keni kapur këtë
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Ish-legjenda e Liverpoolit tregon ‘arsyen e vetme’ që çoi tek përplasja e Salahut me Kloppin
NASA dhe Nokia po dërgojnë rrjetin 4G në hapësirë - çfarë do të thotë kjo për njerëzimin?
Pamje të reja nga përplasja e Salahut me Kloppin tregojnë saktësisht se çfarë ka ndodhur