Ambasadori i Gjermanisë në Kosovë, Rainer Rudolph, ka reaguar pas zhvillimeve në Komisionin Qendror të Zgjedhjeve, ku është refuzuar certifikimi i subjektit politik Lista Serbe për zgjedhjet e 28 dhjetorit.
Në një postim në BlueSky, Rudolph shprehu zhgënjimin e tij ndaj sjelljes së disa anëtarëve të KQZ-së, duke theksuar se proceset zgjedhore duhet të mbahen larg ndikimeve politike.
“Më vjen keq për sjelljen penguese të disa anëtarëve të Komisionit Qendror të Zgjedhjeve që refuzuan ta certifikojnë Listën Serbe për zgjedhjet e ardhshme të përgjithshme”, shkroi ai.
Ambasadori shtoi se institucionet zgjedhore duhet të garantojnë profesionalizëm dhe paanshmëri në përgatitjen e zgjedhjeve.
“Procesi zgjedhor dhe përgatitjet teknike për zgjedhjet duhet të jenë të lira nga manovrimet politike të aktorëve politikë”, theksoi ai në reagim.
Ndryshe më 2 vota pro, dy kundër dhe 7 abstenime, KQZ ka refuzuar certifikimin e Listës Serbe për zgjedhjet e 28 dhjetorit. /Telegrafi/
