Privilegji i të qenit nënë, arritja më e madhe për Christina Aguileran

Christina Aguilera ka arritur shumë suksese gjatë karrierës së saj, por asnjë prej tyre nuk mund të krahasohet me faktin se krijoi një familje.

Ditë më parë, vajza e saj Summer Rain ka mbushur nëntë vjet dhe në urimin e saj, këngëtarja e ka bërë të qartë se arritja më e madhe në jetën e saj është fakti që është bërë nënë.

“Sot e gjej veten duke reflektuar se sa shpejt ka kaluar koha. Këto nëntë vite kanë qenë të mbushura me dashuri të pakufishme, përqafime të ngrohta, të qëndruarit zgjuar shumë vonë, aventura të Disneyt dhe së fundmi, me gëzimin për të zbukuruar skenën pranë jush”.

Lexo po ashtu Christina Aguilera flet për humbjen e virgjërisë: Ndodhi shumë më vonë se që mund ta imagjinoni

“Çdo ditë, falënderoj universin që më dhuroi privilegjin të jem nëna jote, një rol që qëndron si arritja ime përfundimtare. Duke qenë dëshmitar i femrës së re të mrekullueshme në të cilën po evoluoni, më mbush me krenari të pamasë”, ka shkruar mes tjerash 43-vjeçarja në urimin e saj.

Summer është vajza e Aguileras me të fejuarin Matt Rutler, ndërsa këngëtarja ka edhe një djalë 15 vjeçar nga martesa me producentin muzikor, Jordan Bratman. /Telegrafi/