Priftërinjtë dalin kundër emërimit të stadiumit të Napolit në emrin e legjendës Diego Maradona

Një grup priftërinjsh i kanë shkruar një letër kryepeshkopit të Napolit, Crescenzio Sepe duke kërkuar që të qëndrojnë kundër vendimit për të emëruar Stadio San Paolo me emrin e Diego Armando Maradona.

Legjenda e Napolit vdiq në moshën 60-vjeçare pas një sulmi në zemër javën e kaluar.

Kryebashkiaku i Napolit, Luigi De Magistris vendosi menjëherë të emërojë Stadio San Paolo me emrin e legjendës argjentinase.

Lexo po ashtu Zyrtare: Stadio Diego Armando Maradona - kështu do të quhet stadiumi i Napolit

Por, kjo zgjedhje që nuk po gjen pëlqimin e të gjithëve dhe tani kanë filluar të dalin zërat kundër.

Sipas Il Mattino, një grup priftërinjsh të Napolit i ka shkruar një letër kryepeshkopit të qytetit, Sepe, duke kërkuar që të qëndrojë kundër vendimit për të emëruar Stadio San Paolo në emër të Maradonës.

“Stadio San Paolo duhet të jetë emri i të shenjtit që na solli Jezusin”, thuhet fillimisht në letër.

“Me përulësi, ne ndiejmë përgjegjësinë t’ju ​​themi. Të gjithë jemi dakord për një gjë: nuk duam një propozim të tillë. Do të ishte mirë të emërtosh Stadiumin San Paolo-Maradona, si në Milano ku ka San Siro-Meazza”.

Lexo po ashtu “Shit tavanet e arit në Vatikan nëse je i shqetësuar për fëmijët e varfër” - Historia interesante e Maradonës me Papa Gjon Palin II

“Unë do të isha kompromisi i duhur për të shpëtuar besimin dhe për të nderuar kampionin”, mbyllet letra e priftërinjve.

Letra është nënshkruar nga don Salvatore Giuliano, don Luigi Merola, don Carmine Amore, don Lello Ponticelli dhe don Armando Sannino. /Telegrafi/