LAJMI I FUNDIT:

Presidenti Thaçi mungoi në pritjen e Bashkësisë Islame

Presidenti Thaçi mungoi në pritjen e Bashkësisë Islame

Për dallim nga drejtues të institucioneve të tjera dhe të partive politike, në pritjen e organizuar nga BIRK për urimet për Kurban Bajram nuk është shfaqur as presidenti as ndonjë përfaqësues i Presidencës.

Liderë institucionalë e përfaqësues të partive politike kanë uruar sot Bashkësinë Islame të Republikës së Kosovës në pritjen e organizuar nga kjo e fundit me rastin e festës së Kurban Bajramit.


Ata janë pritur nga zëvendësi i kryetarit të BIRK-së, Reshat Mexhiti.

Kryeministri Isa Mustafa tha se duhet të punohet për të çuar përpara proceset e zhvillimit të vendit ndërsa konsideroi se gjendja në Kosovë po përmirësohet për çdo Bajram.

“Unë jam i lumtur që çdo Bajram po e kremtojmë në një gjendje më të mirë edhe shpirtërore edhe ekonomike dhe dëshiroj që të punojmë bashkërisht që njerëzit të ndihen mirë dhe bashkërisht t’i çojmë proceset përpara”, tha ai.

E kryetari i Kuvendit të Kosovës, Kadri Veseli vlerësoi se duhet më shumë paqe e dashuri në mes vete.

“Shpresoj që nuk duhet ta kujtojmë njëri-tjetrin vetëm në ditë të veçanta si është kjo ditë e Bajramit por ta ndihmojmë e respektojmë njëri-tjetrin çdo ditë dhe ta respektojmë më së shumti identitetin tonë, kombin tonë dhe shtetin tonë”, tha Veseli.

Ndërsa, lideri i Aleancës për Ardhmërinë e Kosovës Ramush Haradinaj tha se Bajrami është festë që transmeton porosi.

“Kjo festë e jona e ka një porosi të mirë. Porosia është me qenë pranë njëri-tjetrit, pra solidariteti e sakrifica. Populli jonë e ka kultivu sakrificën në të gjithë kohërat, edhe në këtë kohë duhet të jemi afër njëri-tjetrit”, tha Haradinaj.

Bashkësinë Islame dhe besimtarët myslimanë i ka uruar edhe përfaqësuesi i Kishës Katolike, don Lush Gjergji.

“Urojmë nga zemra Bajramin e vogël. Quhet i vogël por e ka një domethënie të madhe sepse flijimi, dhurimi, dashuria për Zotin përforcohet përmes afrimit dhe duhet të jetë më e madhe”, tha ai gjatë vizitës në Bashkësinë Islame.

Ndërkaq kryetari i Lëvizjes Vetëvendosje, Visar Ymeri theksoi se gatishmëria për sakrificë është rruga e vetme përpara drejt një shoqërie të barabartë.

“Konsideroj se është e domosdoshme që secili prej nesh ta kuptojmë rëndësinë e bashkëjetesës mes njerëzve të barabartë si bashkëjetesë në mes të njerëzve të cilët e ndihmojnë njëri-tjetrin dhe bashkërisht si njerëz që ndërtojnë institucione të cilat pastaj kolektivisht ia mbrojnë interesin”, tha Ymeri.

Në vizitë mungoi Presidenti i Kosovës Hashim Thaçi. As ai as ndonjë përfaqësues i Presidencës nuk erdhi për urime në BIRK.

Zëvendësi i kryetarit të Bashkësisë Islame të Kosovës, Reshat Mexhiti, ka thënë se nga Presidenca nuk ka pasur asnjë paralajmërim përse nuk kanë ardhur. /kallxo.com/

Në trend Lajme

Më shumë
Zëvendësministri për Kthim: Sot është tentuar të vritet Marko Jablanoviq, sulmuesit i dështoi “Shkorpioni”

Zëvendësministri për Kthim: Sot është tentuar të vritet Marko Jablanoviq, sulmuesit i dështoi “Shkorpioni”

Siguri
Ngriten çmimet e paketave turistike në Shqipëri, operatorët fajin ia lënë kursit të euros

Ngriten çmimet e paketave turistike në Shqipëri, operatorët fajin ia lënë kursit të euros

Lajme
DW: Sinjale alarmi nga Ballkani - po përsëritet historia?

DW: Sinjale alarmi nga Ballkani - po përsëritet historia?

Lajme
Basha i reagon AGK-së dhe Sekretarit të Federatës Evropiane të Gazetarëve: Jam deputet i pavarur në mendime, Kosova nuk është autokraci

Basha i reagon AGK-së dhe Sekretarit të Federatës Evropiane të Gazetarëve: Jam deputet i pavarur në mendime, Kosova nuk është autokraci

Lajme
Piu kafenë e mëngjesit me ta dhe më pas u mori jetën, detaje nga vrasja e çiftit në Dropull

Piu kafenë e mëngjesit me ta dhe më pas u mori jetën, detaje nga vrasja e çiftit në Dropull

Lajme
Deputeti gjerman, Abraham: Pranimi i Kosovës në Këshillin e Evropës është e vetmja rrugë përpara

Deputeti gjerman, Abraham: Pranimi i Kosovës në Këshillin e Evropës është e vetmja rrugë përpara

Lajme
Kalo në kategori