Presidenti i FIGC, Gravina: Juventusi do të përjashtohet nga Serie A nëse Superliga Evropiane realizohet

Presidenti i Federatës Italiane të Futbollit (FIGC), Gabriele Gravina këmbëngul se Juventusi do të përjashtohet nga Seria A nëse Superliga Evropiane realizohet.

Presidenti i Bianconerëve, Andrea Agnelli është një nga arkitektët e garës së shkëputur që u shpall nga 12 klube evropiane një vit më parë, por dështoi brenda 48 orëve.

Nëntë nga këto 12 klube kanë njoftuar tërheqjen e tyre nga gara dhe vetëm Juventusi, Real Madridi dhe Barcelona janë ende zyrtarisht të përfshirë në projekt.

Presidenti i Juves, Agnelli tha në fillim të këtij muaji se kontrata e nënshkruar me organizatorët e garës është ende e vlefshme për 11 nga ato 12 klube.

Lexo po ashtu Agnelli thotë se Superliga nuk ka dështuar, ndërsa refuzoi t’i komentojë deklaratat e Tebas për krahasimin Putinin

“Ajo kontratë është vetëm një hipotezë, por Juventusi do të përjashtohej nga Seria A nëse bëhet realitet”, ka thënë fillimisht Gravina për gazetën La Repubblica.

“Superliga Evropiane është përgjigja e gabuar për një problem real. Italia duhet të mendojë se si ta bëjë ligën më tërheqëse për tregje në zgjerim si ai arab, ku për momentin nuk mjaftohen”.

Interi dhe Milani ishin të vetmet klube të Serie A të përfshirë në garë dhe Nerazzurrët janë i vetmi klub që u largua zyrtarisht nga projekti falë një klauzole të përfshirë në kontratën e tyre me organizatorët e Superligës Evropiane.

Futbolli italian po përballet me një moment mendimi pasi nuk ka asnjë klub të Serie A në çerekfinalet e Ligës së Kampionëve, ndërsa Azzurrët duhet të kalojnë në “play-off” të Kupës së Botës për t’u kualifikuar në Katar 2022.

Lexo po ashtu Presidenti i UEFA-s, Ceferin nuk dëshiron të flasë më për Agnellin

Megjithatë, Gravina ka besim të plotë te Roberto Mancini dhe ekipi i tij.

“Ai humbi një ndeshje nga 40 ndeshjet e fundit. Ai nënshkroi një kontratë të re para Euro 2020 pa e ditur se ne do ta fitonim atë”.

“Seria A nuk është kundër meje, vetëm dy ose tre persona janë. Ka rezistencë nga disa prej protagonistëve të vjetër të futbollit që nuk i kanë bërë të mirën organizatës dhe sot nuk mund të jenë referencë qeveritare”, përfundoi Gravina. /Telegrafi/