Presidenti i Atletico Madrid paralajmëron Barcelonën për Joao Felixin: Është futbollist i madh, por është i joni

Joao Felix ka rilindur pas huazimit te Barcelona nga Atletico Madrid në ditën e fundit të afatit kalimtar veror.

Në katër ndeshje të zhvilluara, Felix ka shënuar tre gola dhe ka dhuruar dy asistime duke shfaqur një formë të jashtëzakonshme.

Megjithatë huazimi i tij te gjiganti katalunas është i thjesht nga Atletico Madrid me Barcelonën që nuk ka drejtë blerje dhe për ta bërë një gjë të tillë duhet të fillojë bisedimet sërish nga e para me madrilenët.

Lexo po ashtu Zbulohen prapaskenat, Felix bëri një gjest të madh për t'iu bashkuar Barcelonës

Për formën e lartë të Felix ka folur edhe presidenti i Atleticos, Enrique Cerezo i cili ka thënë se portugezi është një futbollist i tyre.

“Joao Felix është lojtari ynë, ne duhet ta mbrojmë, ta ndihmojmë dhe të mendojmë se nëse është mirë, ai është gjithashtu i mirë për ne”.

“Gjithmonë kemi thënë se ai është një lojtar fantastik dhe këtë po e tregon te Barcelona. Nuk u përshtat me ne. Ai është një lojtar i madh te Barcelona. Ndoshta nuk ishte i përgatitur për ne”.

Lexo po ashtu Morata: Felix mund të jetë shumë i rëndësishëm në të ardhmen për Atletico Madridin

“Nuk funksionoi, nuk tregoi gjithçka që kishte. Shkoi tek Chelsea dhe e njëjta gjë ndodhi. Tani në Barcelonë po shfaqet, lojtarët e mëdhenj përfundojnë gjithmonë duke e bërë këtë”, tha Cerezo.

Felix do të rikthehet në verë te Atletico Madrid ku kontratë deri në verën e vitit 2029, derisa Barcelona do të tentoj ta blejë përfundimisht atë. /Telegrafi/