Gjyqtari legjendar bask dhe në pension, Eduardo Iturralde Gonzalez, bëri pretendime tronditëse për mediat spanjolle në lidhje me gjyqtarët në futbollin spanjoll.
Konkretisht, rasti ishte El Clasico i fundit, në të cilin Real Madridi fitoi kundër Barcelonës me rezultatin 2:1.
Kur u pyet për numrin e gjyqtarëve që mbështesin Real Madridin dhe Barcelonën, ai dha përqindje të sakta.
"90 për qind e tyre mbështesin Realin, 10 për qind Barcelonën. Pavarësisht nëse u pëlqen apo jo tifozëve të Barçës, 70 për qind e popullsisë spanjolle, duke përjashtuar Kataluninë, mbështesin Real Madridin”, ka thënë fillimisht Gonzalez.
“Tani ka më shumë tifozë të Barçës sepse të rinjtë kanë parë tituj nën drejtimin e Guardiolës. Por para epokës së Messit, sa njerëz në Spanjë mbështesnin Real Madridin? 70 përqind".
Siç pretendon ai, ai nuk ishte tifoz i asnjërit klub.
"Sa më përket mua, nuk jam i interesuar as për Realin dhe as për Barcën, jam tifoz i Athletic Bilbaos dhe të gjithë e dinë këtë. Por, për të qenë i drejtë, u bëra keq atyre", tha ai me ndershmëri. /Telegrafi/
