Portieri dëmtoi keq në kokë sulmuesin shqiptar, Cristian Shpendi, babai i këtij të fundit futet në fushë dhje e godet portierin

Një episod i pazakontë ka ndodhur në fundin e ndeshjes Cesena-Olbia, e vlefshme për javën e 20-të të Serie C, ndërsa nga mediet italiane është bërë me dije se babai i Cristian Shpendit ka sulmuar portierin e miqve, Filippo Rinaldi.

Babai i sulmuesit të kombëtares U-21 të Shqipërisë dhe të Cesenas, Cristian Shpendit, pas ndeshjes goditi portierin e ekipit kundërshtar me grusht në fytyrë.

Në minutën e 58-të, Shpendi u detyrua të linte fushën e lojës i dëmtuar pas një dueli me portierin e Olbias, Rinaldi, me këtë të fundit që e lëndoi keq në kokë sulmuesin shqiptar.

Babai i Shpendit, pas ndeshjes u fut në fushë dhe e goditi portierin, por është ndalur pastaj menjëherë nga mesfushori i Cesenas, Chiarello.

Loucura na Serie C.

Após o apito final de Cesena-Olbia, o pai do jogador Cristian Shpendi (e de Stiven Shpendi, do Empoli), invadiu o campo para dar um soco no goleiro Filippo Rinaldi.https://t.co/U2LFej8VCG

— Calciopédia (@calciopedia) January 7, 2024

Për incidentin ka folur edhe trajneri i Cesenas, Domenico Toscano, i cili fajësoi gjyqtarin, pasi sipas tij ai nuk e menaxhoi siç duhej ndeshjen, që përfundoi me rezultatin 1-0.

Ai konfirmoi se Shpendi do të marr qepje në kokë pas dëmtimit. /Telegrafi/