Portieri i Ajaxit, Andre Onana pas kryerjes së dënimit për doping: Një pilula 40 miligramëshe më “shkatërroi” jetën, pyesja veten a jam i varur nga droga

Portieri i Ajaxit, Andre Onana ishte i suspenduar për një vit për shkak se dështoi në testin e dopingut në tetorin e vitit të kaluar dhe tani ka treguar se si një pilulë 40 miligramësh ia “shkatërroi” jetën.

Në mëngjesin e 30 tetorit 2020, Onana nuk u ndje mirë, donte të pinte një pilulë për të lehtësuar shqetësimin dhe pa e ditur mori Lasimac, një ilaç që gruaja e tij e kishte përdorur më parë.

UEFA pranoi se ishte një gabim i paqëllimshëm, sepse këto pilula nuk përmirësojnë performancën, por gjithsesi është i sanksionuar. Së fundi, ai është rikthye në stërvitje me skuadrën pasi dënimi i tij u reduktua në nëntë muaj.

“Unë nuk mund të stërvitesha me asnjë trajner të certifikuar, por duhej të mbijetoja, të duroja dhe të stërvitesha vetë. Më duhej të mblidhja një ekip të fortë prej 17 personash për t’u rikthyer në formë sepse isha në kulmin e karrierës”.

“Punësove një trajner fitnesi, një trajner portierësh, psikologë… Nuk ishte e lehtë, por falë Zotit dhe atyre, ia dolëm. Është e mahnitshme se si një pilulë 40 miligramësh mund të të shkatërrojë jetën, karrierën, të jetë një njollë në imazhin tënd”.

Gracias a toda la familia de @FutbolSalou_SC y todos los compañeros de este magnífico equipo que hemos formado durante siete meses.

Ha sido una etapa muy dura para mí, pero con vosotros todo ha sido más fácil. Os echaré de menos. ❤️

André Onana pic.twitter.com/qDh6S53z1f

— Andre Onana (@AndreyOnana) August 31, 2021

“Psikologjikisht është shumë e vështirë. Mendova:”Si t’u them prindërve të mi se kam dalë pozitiv në testin e dopingut kur nuk kam pirë kurrë duhan apo ndonjë gjë në jetën time?””.

“Flitet për doping, por ajo që kam marrë, insistoj, është një pilulë për mbajtjen e lëngjeve. Kam bërë një gabim njerëzor, por ndonjëherë duhet të përballesh me pasojat. Ishte aq e vështirë sa ndonjëherë dyshoja edhe në veten time”.

Feeling as nervous & excited as the first day. Happy for my redebut in @championsleague. Top performance! ❌❌❌❤️ pic.twitter.com/MdWRlVNjls

— Andre Onana (@AndreyOnana) November 24, 2021

“Pashë gjithçka që shkruhej në media dhe mendova: ‘A jam narkoman?’ Të bën të vetëdijshëm dhe të bën më të fortë. E kuptoni që nuk ka humanizëm në futboll. Për disa ne jemi robotë dhe nuk kemi të drejtë të dështojmë”, ka thënë Onana për ‘Marca’.

After a long period of struggle and suffering, I’m back to enjoying being a footballer and defending my country. I want to thank all the people who have accompanied me and given me strength on this difficult path.

Job done. Let’s go for more. #AllezLesLions! ???? #WorldCup pic.twitter.com/z8XNLUVvHW

— Andre Onana (@AndreyOnana) November 16, 2021

Portierit kamerunas i skadon kontrata në qershor, ai ende nuk e ka vazhduar kontratën me Ajaxin dhe tashmë përflitet se do të kalojë te Interi.

Megjithatë, Barcelona, ​​për të cilën ai kishte mbrojtur si i ri, është futur në garë. /Telegrafi/