Policia shkon në kopshtin zoologjik pasi majmuni i thirri aksidentalisht

Zyra e Sherifit të Qarkut San Luis Obispo në California zbuloi në rrjetet sociale detajet e një ndërhyrjeje të paprecedentë.

Ata kanë marrë një telefonatë që është ndërprerë papritmas dhe duke qenë se nuk kanë mundur të rikthejnë një telefonatë me telefonuesin, kanë dërguar policët për të kontrolluar situatën.

Me të mbërritur në kopshtin zoologjik nga ku është bërë thirrja, kanë zbuluar se asnjë nga punonjësit nuk kishte telefonuar.

“Atëherë të gjithë e kuptuan… Duhet të ketë qenë majmuni me emrin Route”, kanë shkruar ata.

Besohet se Route ka marrë celularin zyrtar nga karroca e golfit që punonjësit përdorin për të lëvizur nëpër zonën e madhe të këtij kopshti zoologjik.

Siç zbuluan në kopshtin zoologjik, majmunët janë shumë kureshtarë, ata do të kapin çdo gjë dhe thjesht do të fillojnë të shtypin butonat. Kjo është pikërisht ajo që bëri Route, duke goditur aksidentalisht kombinimin e duhur të numrave.

Lexo po ashtu Pse njerëzit mund të flasin, por majmunët jo? Hulumtimi ofron teori të reja

“Route ishte pak e turpëruar, por nuk mund ta fajësoni sepse ajo që sheh një majmun është ajo që bën,” tha zyra e sherifit.