Policia përplas për toke një grua në Los Angeles – suspendohen pas publikimit të pamjeve dramatike

Një video e sapo publikuar nga policia amerikane tregon momentin kur një zëvendës i sherifit të Los Angeles përplasi një grua në tokë pas një grabitjeje në një dyqan ushqimor.

Policët nga Stacioni i Sherifit të Lancaster iu përgjigjën një telefonate për një grabitje në një dyqan në West Avenue.

“Pas arritjes, policët iu afruan një burri dhe një gruaje që përputheshin me përshkrimin e dhënë nga personeli i sigurisë së dyqanit”, njoftoi Departamenti i Sherifit të Los Angeles.

“Ndërsa policët u përpoqën të arrestonin individët e përshkruar nga personeli i sigurisë së dyqanit, rasti u përshkallëzua në një incident të përdorimit të forcës”, shtoi agjencia.

“Pse jam në arrest… për çfarë?”, burri dëgjohet duke thënë në pamjet e publikuara nga media.

“Nuk je i arrestuar, po ndalohesh”, përgjigjet polici, raporton nypost.

Më pas policët përpiqen të kapin për krahu gruan teksa ajo regjistronte incidentin me telefonin e saj.

Më pas polici spërkat me sprej, e cila e akuzoi se i kishte vënë gjurin në qafë.

“Nuk mund të marr frymë”, është dëgjuar duke thënë ajo.

Ndryshe, dy policët e përfshirë në këtë ngjarje janë pezulluar nga detyra dhe janë në pritje të përfundimit të hetimeve. /Telegrafi/