Policia arreston një të dyshuar, qëllon me armë një tjetër – si të dyshuar, pas vrasjes së dy suedezëve në Bruksel

Policia belge arrestoi herët të martën një të armatosur të dyshuar që vrau dy suedezë.

Personi i armatosur, i cili mendohet se ka motive terroriste, krijoi një frikë të tillë në Bruksel, saqë autoritetet anuluan një ndeshje futbolli Belgjikë-Suedi dhe mbajtën 35,000 tifozë brenda për disa orë si masë paraprake.

Zëdhënësi Eric Van Duyse tha se oficerët “hapën zjarr” ndërsa kapën burrin në zonën Schaerbeek të qytetit, por nuk tha nëse i dyshuari ishte i plagosur.

Lexo po ashtu Të shtëna armësh në Bruksel, vriten dy persona

Van Duyse tha më herët se hetimi për vrasjet po përqendrohej në “një motivim të mundshëm terrorist për të shtënat” pasi “një pretendim për përgjegjësinë u postua në mediat sociale”.

“Ky person pretendon se është frymëzuar nga Shteti Islamik”, tha Van Duyse.

Suedia e ngriti alarmin e saj për terror në nivelin e dytë më të lartë në gusht, pas një serie djegiesh publike të Kuranit nga një refugjat irakian që jetonte në Suedi, që rezultuan në kërcënime nga grupet militante islamike.

“Për momentin, asnjë element nuk tregon një lidhje të mundshme me situatën izraelito-palestineze”, tha Van Duyse.

Ndërkohë media të tjera kanë raportuar se policia në Bruksel ka qëlluar një burrë gjatë kërkimit masiv për personin e armatosur që vrau dy shtetas suedezë të hënën në mbrëmje.

Burri u qëllua në një kafene në lagjen Schaerbeek, raportuan mediat lokale, përcjell Telegrafi.

Prokurorët belgë raportuan incidentin, por thanë se nuk mund të konfirmonin ende nëse personi ishte sulmuesi.

Brukseli ka qenë në alarmin më të lartë terrorist pas sulmit të së hënës. /Telegrafi/