Po kërkohet nga skuadrat më të mëdha në Ligën Premier, Toney mesazh për Southgate: E meritoj ftesën për Botëror

Ivan Toney është duke shkëlqyer në dy vitet e fundit në elitën e futbollit anglez Ligën Premier.

Sulmuesi anglez ka shënuar dy gola në fitoren e Brentford të premten mbrëma 2-0 ndaj Brighton.

Aktualisht Toney ka numër të njëjtë të golave me kapitenin e ‘Tre Luanëve’ Harry Kane nga tetë sosh dhe është ndër më të kërkuarit në Angli.

Chelsea, Manchester United, Tottenham Hotspur apo Everton janë skuadrat që kanë shprehur interesim për transferimin e tij.

Megjithatë 26-vjeçari mendjen e ka vetëm tek Kampionati Botëror, ku i ka bërë të qartë trajnerit të Anglisë, Gareth Southgati se e meriton ftesën.

“Ndjehem shumë mirë dhe jam gati për të vijuar me këtë ritëm. E di që të gjithë tashmë flasin për një grumbullim me Anglinë. Sigurisht, u zhgënjeva që nuk pata asnjë minutë në dispozicion në ndeshjen ndaj Gjermanisë, por më duhet të shoh përpara”.

“Duhet të punoj pasi tek Anglia, bëhet fjalë për një nga skuadrat më të mira me lojtarë tejet cilësorë”.

“Megjithatë, jo për mendjemadhësi, por mendoj se nuk e meritoj kombëtaren. Jam gati për këtë hap dhe jam gati të shfrytëzoj mundësinë time sapo të më jepet shansi”, tha Toney. /Telegrafi/