Princi Harry, të cilit po i bien flokët, do të shpenzojë 50.000 funte (57.000 euro) për transplantimin e flokëve.
33-vjeçari ka vendosur të bëjë një intervenim të ngjashëm me Wayne Rooneyn, në mënyrë që ta mbulojë kokën me flokë.
(Foto: Getty Images)
Miqtë e ngushtë të princit janë betuar se do ta mbajnë të fshehtë këtë gjë, derisa e fejuara Meghan Markle e mbështet shumë këtë ide.
Mirëpo, për t'iu nënshtruar ndërhyrjes, Harry duhet të marrë lejë nga familja e tij mbretërore dhe ai ka vendosur që të kërkojë leje për t'iu nënshtruar procedurës.
(Foto: Getty Images)
Sidoqoftë, atij i është kërkuar që të presë deri pas martesës me Meghan që do të ndodhë në muajin maj, në mënyrë që të mos bëhen kryetemë flokët e tij të mbjella.
"Harry e di se me gjenet familjare do të humbë shumë flokë në vitet në vijim. Vëllait të tij, William, tashmë po i bien shumë flokët".
"Ai e ka vërejtur në shumë paraqitje me Meghan se në maje të kokës dhe në pjesën e pasme, zona pa flokë po bëhet gjithnjë e më e madhe".
(Foto: Getty Images)
"Duke qenë një princ modern, dëshiron të duket i ri sa më gjatë që është e mundur", ka thënë një burim, citon Daily Star.
Burimi ka shtuar se e fejuara e tij i ka ndihmuar për ta marrë vendimin, meqë ka parë shumë meshkuj në Hollywood duke iu nënshtruar ndërhyrjeve të këtilla. /Telegrafi/
(Foto: Getty Images)
