Pitt tashmë ka të dashur të re?

Duket se Angelina Jolie është zëvendësuar, madje shpejt dhe mirë. Brad Pitt duket se është në një marrëdhënie me Kate Hudson. Zërat vijnë nga Australia, ku thuhet gjithashtu se vajza e Goldie Hawn mund të jetë shtatzënë.

Duket se kanë qenë miq të aktores 37-vjeçare, që kanë përhapur lajmin e lidhjes së re të Hudson, e cila ka qenë pa të dashur që nga fundi i historisë së saj me Matt Bellamy, ndërkohë që edhe Pitt u shndërrua në beqarin më të lakmuar pas ndarjes me Jolie, transmeton TCH.

Lexo po ashtu Pitt thyen heshtjen: Jolie po rrezikon jetën e gjashtë fëmijëve!

Pitt dhe Hudson kanë marrë pjesë në festën që ka pasuar ceremoninë e ndarjes së çmimeve “Golden Globe” dhe ata më thashethemexhinjtë thonë se Kate kishte veshur një fustan magjepsës, pikërisht për të tërhequr vëmendjen e hamshorit hollivudian.

Dyshja nuk janë fotografuar askund bashkë, por ka nga ata që pretendojnë se për t’u larguar nga festa kanë përdorur të njëjtën makinë. Më herët është larguar Pitt dhe më pas shoferi është kthyer për të marrë Hudsonin.

Nëse historia mes tyre do të konfirmohet, do të ishte një dëshirë e bërë realitet, pasi kohë më parë, në një intervistë në radio, Kate kishte thënë ëndërronte një mashkull si Brad.